وزیراعظم عمران خان نے فراش ٹاون اسلام آباد میں 2000 سستے گھروں کی قرعہ اندازی کردی
اسلام آباد (قدرت روزنامہ) وزیراعظم عمران خان نے فراش ٹاون اسلام آباد میں 2000 سستے گھروں کی قرعہ اندازی کردی . وزیراعظم آفس کے مطابق 800 مربعہ فٹ گھر کی کل قیمت صرف 32 لاکھ روپے مقرر کی گئی ،حکومت کی جانب سے ہر گھر کیلئے 3 لاکھ روپے کاسٹ سبسڈی دے جائے گی .
ترجمان نیا پاکستان ہاؤسنگ عاصم شوکت علی کے مطابق وزیر اعطم عمران خان نے پہلے مرحلے میں 2 ہزار گھروں کی قرعہ اندازی کی .
انہوں نے کہاکہ خوش نصیب افراد کو مارک آپ سبسڈی کے تحت 38 ہزار روپے ماہانہ قسط کی بجائے صرف 13 ہزار روپے ماہانہ قسط ادا کرنا ہو گی . انہوںنے کہاکہ قرعہ اندازی میں کامیاب ہونے والے خوش نصیب افراد ماہانہ کرایہ کی ادائیگی میں دی جانے والی رقم کے جگہ اب اپنا گھر حاصل کر سکیں گے . انہوں نے کہاکہ پہلے مرحلے میں قرعہ اندازی میں شامل 8700 افراد میں سے 2000 خوش نصیب افراد گھر حاصل کریں سکیں گے . انہوں نے کہاکہ اس دور میں 800 مربعہ فٹ کا گھر صرف 32 لاکھ میں ملنا کسی معجزہ سے کم نہیں .
. .