”اپوزیشن کی کامیابی یہ ہے کہ عمران خان کے پاس ۔۔“ سینئر صحافی حامد میر بھی میدان میں آ گئے ، بڑا دعویٰ کر دیا

اسلام آباد (قدرت روزنامہ)سینئر صحافی حامد میر نے وزیراعظم کا کراچی میں کارکنوں سے خطاب پر ردعمل دیتے ہوئے کہا ہے کہ وزیراعظم عمران خان کے پاس وقت معلومات کا فقدان ہے ، گیم کے حوالے سے اپوزیشن نے کچھ نہیں کہا اور نہ ہی اپوزیشن کے اندر کسی کو مکمل طور پر اس کا پتہ ہے کہ کیا ہو رہا ہے . اس سارے معاملے میں نواز شریف ، آصف زرداری ، مولانا فضل الرحمان اور شہباز شریف کے پاس مکمل تفصیلات ہیں .

سینئر اینکر پرسن کاکہنا تھا کہ اپوزیشن کی کھیل میں ابھی تک کامیابی یہی ہے

کہ عمران خان کے پاس انفارمیشن نہیں ہے . دوسری جانب سینئر صحافی حامد میر نے گزشتہ شب9ماہ بعد نجی ٹی وی چینل جیو نیوز پر اپنے پروگرام کیپیٹل ٹاک کی میزبانی کی ،تفصیلات کے مطابق حامد میر کو مئی 2021 میں ان کے پروگرام کی میزبانی سے اس وقت روک دیا گیا تھا جب انہوں نے صحافی اسد علی طور کے گھر میں نامعلوم افراد کے داخل ہو کر انہیں زد و کوب کرنے پر ہونے والے احتجاج میں پاکستان کے سکیورٹی اداروں پر شدید تنقید کی تھی . حامد میر کا ناصرف ٹی وی چینل پر پروگرام بند کیا گیا تھا بلکہ جنگ اخبار میں ان کا کالم بھی روک دیا گیا تھا . گزشتہ روز وزیر اعظم عمران خان کے خلاف قومی اسمبلی میں تحریکِ عدم اعتماد جمع کروانے کے بعد اپوزیشن رہنمائوں شہباز شریف ،آصف علی زرداری اور مولانا فضل الرحمان نے پریس کانفرنس کی تو یہیں آصف علی زرداری نے حامد میر کو کیپیٹل ٹاک پر واپسی کی مبارکباد بھی دے ڈالی اور کہا کہ صحافت جمہوریت کا بہت بڑا ستون ہے . ہم نے روزِ اول سے اس پر یقین رکھا ہے . جب بینظیر بھٹو کی پہلی حکومت آئی تو اس وقت کاغذ حکومت کی مرضی سے درآمد کیا جاتا تھا . ہم نے اسے آزاد کیااور آج حامد میر صاحب واپس آ رہے ہیں . ویلکم بیک حامد میر .