اپوزیشن کو ایک سرپرائز آج ملا، دوسرا 27 مارچ کو ملے گا

اسلام آباد(قدرت روزنامہ) وفاقی وزیر فواد چوہدری کا کہنا ہے کہ معاملہ آئین اور قانون کے مطابق چلے گا . متفق تھے کہ معاملہ آئین اور قانون کے مطابق چلے گا .

ابھی تو سرپرائز آنا باقی ہیں، آگے دیکھئے ہوتا ہے کیا . انہوں نے مزید کہا کہ اپوزیشن اور حکومت متفق تھے کہ معاملہ آئین اور قانون کے مطابق چلے گا . وزیراعظم عمران خان کہہ چکے ہیں کہ آخری پتہ ہم نے کھیلنا ہے .
جن لوگوں کا خیال تھا کہ عمران خان کو گرا دیں گے انہیں ایک ہفتے میں پتہ چل جائے گا . وفاقی وزیر نے کہا کہ اپوزیشن نے کہا کہ حکومت گرا دیں گے، یہ اتنا آسان نہیں . انہوں نے کہا کہ ایک سرپرائز آج ملا، دوسرا 27 مارچ کو ملے گا . اگلے 48 گھنٹے میں اتحادیوں کی طرف سے اعلان ہونے کا امکان ہے . انہوں نے کہا کہ لاکھوں لوگ جب نکلتے ہیں تو اس کا اثر ہی کچھ اور ہوتا ہے .

خیال رہے کہ قومی اسمبلی کا اجلاس تحریک عدم اعتماد پر بغیر کارروائی کے پیر تک ملتوی کر دیا گیا ہے . قومی اسمبلی کے اجلاس کا 15 نکاتی ایجنڈا جاری کیا گیا جس میں وزیراعظم کے خلاف تحریک عدم اعتماد شامل کی گئی . ایجنڈے میں کہا گیا کہ ایوان کے 152 ارکان کی رائے ہے کہ وزیراعظم عمران خان ایوان کا اعتماد کھو چکے ہیں لہذا انہیں عہدے سے ہٹا دیا جائے .
اجلاس میں مرحوم ارکان اسمبلی کے لیے فاتحہ خوانی کی گئی . اسپیکر قومی اسمبلی اسد قیصر نے فاتحہ خوانی کے بعد اجلاس 28مارچ بروز پیر تک ملتوی کر دیا . اسپیکر قومی اسمبلی اسد قیصر نے کہا ہے کہ تحریک عدم اعتماد پرکارروائی قانون کے مطابق ہو گی . معزز ممبر کی وفات پر ایجنڈ اگلے دن تک ملتوی کر دیا جاتا ہے . قومی اسمبلی کا اجلاس ملتوی کیے جانے پر اپوزیشن نے شور شرابا کیا .
اپوزیشن لیڈر شہباز شریف نے مائیک پر بولنے کی کوشش کی . اپوزیشن لیڈر نے قومی اسمبلی اجلاس ملتوی کیے جانے پر ردِعمل دیتے ہوئے شہباز شریف نے کہا کہ اسپیکر نے زیادتی کی ہے . بلاول بھٹو اور شہباز شریف کی ملاقات بھی شروع ہو گئی ہے . ملاقات میں مستقبل کی حکمت عملی پر بات چیت کی گئی،جب کہ اسپیکر کی جانب سے اجلاس ملتوی کیے جانے پر بھی بات چیت کی گئی .