وسیم اکرم نےعمران خان کو گیم چینجر قرار دیدیا
لاہور(قدرت روزنامہ) سابق کپتان قومی کرکٹ ٹیم وسیم اکرم نے سابق وزیراعظم عمران خان کی تعریف کرتے ہوئے انہیں گیم چینجز قرار دے دیا . کرکٹ ورلڈکپ 1992ء کی فاتح ٹیم کے سٹار آل راؤنڈر اپنے کپتان کے حق میں بول پڑے .
سماجی رابطے کی ویب سائٹ ٹوئٹر پر وسیم اکرم نے عمران خان کی تصویر شیئر کی اور ساتھ میں انہیں گیم چینجر قرار دیا .
خیال رہے کہ ڈپٹی سپیکر قومی اسمبلی قاسم شاہ سوری نے اتوار کے روز تحریک عدم اعتماد پر رولنگ دیتے ہوئے اسے مسترد کردیا تھا .
اس کے ساتھ ہی وزیراعظم عمران خان نے صدر مملکت ڈاکٹر عارف علوی کو اسمبلی تحلیل کرنے کی تجویز دی تھی . اس تجویز پر صدر مملکت نے اسمبلی تحلیل کردی تھی، جبکہ بگڑتی ہوئی سیاسی صورتحال کے پیشِ نظر سپریم کورٹ نے ازخود نوٹس لے لیا تھا . ازخود نوٹس کی سماعت کرتے ہوئے سپریم کورٹ نے ریاستی عہدیداروں کو کسی بھی ماورائے آئین اقدام سے روک دیا تھا .
. .The Game Changer #ImranKhan #Skipper #NotOutYet #Surprise . pic.twitter.com/JIUyj5Hj0V
— Wasim Akram (@wasimakramlive) April 3, 2022
