افغان طالبان نے ایک اور صوبہ فتح کرلیا

کابل (قدرت روزنامہ) غیر ملکی افواج کے انخلا کے بعد سے ہی افغان طالبان کی حکومتی فورسز کے خلاف کامیابیوں کا سلسلہ جاری ہے۔ آج طالبان نے ایک اور صوبائی دارالحکومت کو فتح کرلیا۔

افغان طالبان کے ترجمان ذبیح اللہ مجاہد نے دعویٰ کیا ہے کہ انہوں نے سمنگان صوبے کے دارالحکومت ایبک پر قبضہ کرلیا ہے۔ اس وقت گورنر آفس، پولیس ہیڈ کوارٹرز، انٹیلی جنس ڈیپارٹمنٹ سمیت تمام سرکاری عمارتیں طالبان جنگجوؤں کے قبضے میں آچکی ہیں۔

#عاجل:
د الفتح عملیاتو په جریان کې د سمنګان ولایت مرکز ایبک ښار هم د دښمن له ګوتو ووت.
تازه معلومات ښيي چې د یاد ولایت مقام، امنیه قومندانۍ، د استخباراتو ریاست او ټول ملحقات د مزدور دشمن له وجود څخه پاک او په بشپړه توګه د مجاهدینو په کنترول کې شول.
جزئیات بیا.

— Zabihullah (..ذبـــــیح الله م ) (@Zabehulah_M33) August 9, 2021

ایبک سے تعلق رکھنے والے قانون سازوں عبداللہ محمدی اور ضیا الدین ضیا نے طالبان کے دعویٰ کی تصدیق کی ہے اور کہا ہے کہ حکومتی فورسز لڑائی کیے بغیر ہی شہر چھوڑ کر بھاگ گئیں۔

Most parts of Aybak city, the capital of Samangan province, fell to the Taliban this afternoon, said two lawmakers from Samangan, Abdalullah Mohammadi and Ziauddin Zia.

They said Afghan forces retreated from the city without fighting.

— TOLOnews (@TOLOnews) August 9, 2021

خیال رہے کہ جمعہ سے پیر کے دوران طالبان نے یہ چھٹا صوبائی دارالحکومت فتح کیا ہے۔ اتوار کے روز انہوں نے قندوز، سرپل اور تالقان پر قبضہ کیا تھا۔ تالقان صوبہ تخار کا دارالحکومت ہے جب کہ قندوز صوبہ قندوز اور سرپل صوبہ سرِپُل کا دارالحکومت ہے۔ اس سے قبل طالبان جوزجان کے دارالحکومت شبرغان پر قبضہ کرچکے ہیں۔ یہ طالبان مخالف جنگجو رہنما مارشل عبدالرشید دوستم کا آبائی علاقہ ہے۔ اس کے علاوہ طالبان اہم تجارتی شہر زرنج پر بھی قبضہ کرچکے ہیں۔ یہ ایران کی سرحد کے ساتھ واقع نمروز صوبے کا دارالحکومت ہے۔