مرحوم عامر لیاقت کی تیسری اہلیہ دانیہ شاہ کی مشکلات میں اضافہ ہو گیا

کراچی (قدرت روزنامہ) مرحوم عامر لیاقت حسین کی تیسری اہلیہ دانیہ شاہ کی مشکلات میں اضافہ ہو گیا . تفصیلات کے مطابق معروف ٹی وی میزبان اور رکن قومی اسمبلی عامر لیاقت کی وفات کے بعد سوشل میڈیا پر ان کی تیسری اہلیہ دانیہ ملک کو شدید تنقید کا نشانہ بنایا جا رہا ہے .

سوشل میڈیا صارفین عامر لیاقت کی موت کا سبب دانیہ کو قرار دے رہے ہیں، صارفین کے مطابق دانیہ نے عامر لیاقت کی ذہنی حالت خراب کی اس لیے وہی ان کی موت کی سب سے بڑی ذمہ دار ہیں .
سٹی 42 نیوز کی رپورٹ کے مطابق سماجی تنظیم کی جانب سے دانیہ شاہ کے خلاف کراچی کی مقامی عدالت میں درخواست دائر کر دی گئی ہے . درخواست میں کہا گیا کہ دانیہ نے عامر لیاقت کی نازیبا ویڈیوز وائرل کیں . درخواست میں استدعا کی گئی کہ عدالت ایف آئی اے کو دانیہ شاہ کے خلاف کاررروائی کا حکم دے .

درخواست میں ایف آئی اے سائبر کرائم اور دانیہ کو فریق بنایا گیا .

دوسری جانب دانیہ شاہ کی حمایت میں اداکارہ ارمینا رانا خان اور یشما گل سامنے آئی ہیں . اداکارہ ارمینا نے انسٹاگرام اسٹوری پر ایک پوسٹ شیئر کی جس پر لکھا تھا کہ مانو یا نہ مانو، دانیہ نے عامر لیاقت کو کھا لیا ہے . اداکارہ نے غصے کا اظہار کرتے ہوئے اس پوسٹ پر تبصرہ کیا کہ آپ لوگ کیا کر رہے ہیں کیا اب آپ ایک کم عمر لڑکی کو اس طرح پریشان کریں گی کیا اب تک آپ نے عامر لیاقت کی موت سے کچھ نہیں سیکھا دوسری جانب یشما گل نے کہا کہ دانیہ شاہ کو چھوڑ دیں، ایک زندگی پہلے ہی جا چکی ہے، اب دوسری زندگی کھونے کا خطرہ مول نہ لیں، اللہ تعالیٰ کو حساب کرنے دیں .
داکارہ نے مزید لکھا کہ ہوسکتا ہے کہ اس نے برے کام کیے ہوں، یا نہ کیے ہوں لیکن ہم کون ہوتے ہیں کہ فیصلہ کرکے نفرت انگیز الفاظ کہنے لگ جائیں . واضح رہے کہ عامر لیاقت کی تیسری اہلیہ دانیہ نے ان کے خلاف تنسیخِ نکاح کا کیس دائر کر رکھا تھا، عامر لیاقت کی موت کے بعد دانیہ نے بتایا کہ عامر لیاقت نے اپنی زندگی میں صلح کا پیغام بھیجا تھا .