اپوزیشن حمایت کرے نہ کرے الیکشن ترمیمی ایکٹ ہر صورت پاس کروائیں گے
پرویز خٹک نے کہا کہ انہوں نے ملک پر تقریباً پچیس سال حکومت کی لیکن کبھی ان چیزوں کا نہیں سوچا بلکہ اپنا مفاد دیکھا . ان کا کہنا تھا کہ الیکشن ترمیمی ایکٹ کو پاس کروانے کے لئے پارلیمنٹ سے سادہ اکثریت درکار ہے جو حکومت کے پاس موجود ہے . اپوزیشن ساتھ دے تو اچھا ہے، مخالفت کا کوئی فائدہ نہیں ہوگا . انہوں نے مزید کہا کہ سیاسی جماعتوں کے اپنے منشور میں بھی انہیں اصلاحات کا ذکر ہے، ملک میں انتخابات کا شفاف نظام لایا جا رہا ہے جو دنیا میں رائج ہے . جبکہ میڈیا سے گفتگو کرتے ہوئے بابر اعوان کا کہنا تھا کہ الیکٹرانک ووٹنگ مشین کے لیے ہر قیمت پر قانون سازی کی جائیگی، اپوزیشن تجاویز دے کھلے دل سے قبول کریں گے . بابر اعوان کا کہنا تھا کہ الیکشن کمیشن مشینیں خود اور اپنی مرضی سے خریدیگا، حکومت صرف سپورٹ کر رہی ہے، الیکٹرانک ووٹنگ مشین کے تجربے ہر جگہ کرائے جائیں گے . ان کا کہنا تھا کہ سپریم کورٹ بار کے الیکشن کے لیے بھی مشین آفر کریں گے، اگلا جنرل الیکشن انشائاللہ قابل قبول ہوگا، دھاندلی روکنے کا طریقہ ٹیکنالوجی ہی ہے . مشیر پارلیمانی امورکا کہنا تھا کہ بھارت میں بھی یہی ٹیکنالوجی ہی استعمال ہوئی اور مودی کی حکومت بنی،الیکشن پر خرچ اربوں میں ہوتا ہے اور نتیجہ دھاندلی کے نعرے ہوتے ہیں . خیال رہے کہ گذشتہ دنوں وزیراعظم عمران خان نے الیکٹرانک ووٹنگ مشین کا معائنہ کیا تھا اور اس سے فرضی ووٹ بھی ڈالا تھا . اپوزیشن کی جانب سے اب تک الیکٹرانک ووٹنگ مشین پر شکوک و شبہات کا اظہار کیا گیا ہے جب کہ وفاقی وزیر سائنس و ٹیکنالوجی شبلی فراز کا کہنا ہے کہ الیکٹرانک ووٹنگ مشین میں انٹر نیٹ یا کسی سافٹ وئیر کا کوئی عمل دخل نہیں، اس میں ٹیمپرنگ نہیں کی جاسکتی اور یہ استعمال میں بھی آسان ہے . . .
