پنجاب اسمبلی میں حکومتی اراکین کی جانب سے چیف الیکشن کمیشن و ممبران کے مستعفی ہونے کی قرار داد منظور

لاہور(قدرت روزنامہ)پنجاب اسمبلی میں حکومتی اراکین کی جانب سے چیف الیکشن کمشنر،ممبران کے مستعفی ہونے کی قرار داد منظور کر لی گئی ہے ، قرار داد میں کہا گیا ہے کہ چیف الیکشن کمشنراور ممبران فوری مستعفی ہو جائیں تاکہ متفقہ طور پر نئے الیکشن کمیشن کا قیام عمل میں لایا جا سکے .
نجی ٹی وی "سماء"کے مطابق پنجاب اسمبلی اجلاس میں حکومتی اراکین کی جانب سے الیکشن کمیشن کیخلاف قرار داد جمع کرائی گئی جسے بعد میں منظور لیا گیا ، قرار داد میں کہا گیا ہے کہ عالمی سازش کے تحت وفاق میں قانونی حکومت کو گرایا گیا ، ملک میں مہنگائی او رمعاشی بحران کی سنگین صورتحال پید اہو گئی ہے اور اس کا ایک ہی حل ہے کہ صاف شفاف الیکشن کرائے جائیں، سیاسی جماعتیں شفاف انتخابات کیلئے متفقہ طور پر اقدامات کریں ، ایوان مطالبہ کرتا ہے کہ چیف الیکشن کمشنر ، ممبران فوری مستعفی ہو جائیں ،تاکہ متفقہ طور پر نئے الیکشن کمیشن کا قیام عمل میں لایا جا سکے .