اکشے کمار ، عامر خان سے بہتر کیوں ؟ کرینہ کپور کا دوٹوک جواب

اسلام آباد (قدرت روزنامہ)بالی ووڈ کی چلبلی اور صدا بہار اداکارہ کرینہ کپور نے مسٹر پرفیکٹ عامر خان کا خطروں کے کھلاڑی اکشے کمار سے موازنہ کردیا۔بالی ووڈ کے نامور ہدایت کار، پروڈیوسر اور میزبان کرن جوہر نے اپنے مقبول ترین شو “کافی ود کرن” کے سیزن سیون میں کرینہ کپور اور عامر خان کی قسط کا پرومو شئیر کیا ہے۔
اس پرومو میں بالی ووڈ کی چلبلی اداکارہ بیبو کرینہ کپور اور مسٹر پرفیکٹ سپر اسٹار عامر خان اپنی نئی آنے والی فلم لال سنگھ چڈھا کی پروموشن کے لیے جلوہ گر ہوئے ہیں۔

شو کے دوران عامرخان نے کرینہ سے پوچھا کہ تم میری ایسی کونسی بات برداشت کرتی ہو جو دوسروں میں برداشت نہیں کرو گی؟

لال سنگھ چڈھا اداکارہ نے فوری طور پر جواب دیا، “آپ ایک فلم کو ختم کرنے میں 100-200 دن لگاتے ہیں جبکہ اکشے کمار اسے 30 دنوں میں مکمل کر لیتے ہیں۔پی کے اداکار یہ جواب سن کر حیران رہ گئے اور انہوں نے صرف اپنے منفرد انداز میں “ارے” کے ساتھ ردعمل ظاہر کیا۔

ویڈیو دیکھیں:

A duo you Khan-not miss!😉
On the Koffee couch this episode, are two epic Khans and it cannot get more savage than this!#HotstarSpecials #KoffeeWithKaranS7 episode 5 streams this Thursday at 12am only on Disney+ Hotstar. pic.twitter.com/Eq6dKRh0Ab

— Karan Johar (@karanjohar) August 2, 2022

واضح رہےکہ ’کافی ون کرن‘ شو کو بھارت کے علاوہ پاکستان، برطانیہ، متحدہ عرب امارات (یو اے ای) اور جنوبی ایشیائی ممالک سمیت وہاں خوب پسند کیا جاتا ہے، جہاں بھارتی فلم انڈسٹری کے مداح موجود ہیں۔
’کافی ود کرن‘ شو کا چھٹا اور آخری سیزن 2018 میں نشر کیا گیا تھا، جس کی آخری چند قسطیں 2019 میں بھی ریلیز ہوئی تھی۔

اس شو میں ریپڈ فائر سمیت متعدد سیگمنٹ ہوتے ہیں، جن میں نامور شخصیات اپنے کیریئر، ذاتی زندگی اور اپنے تنازعات سے متعقل کھل کر باتیں کرتے دکھائی دیتے تھے۔
’کافی ود کرن‘ کا شمار بھارت کے سب سے زیادہ دیکھے جانے والے شوبز ٹاک شوز میں ہوتا ہے، جس کا پہلا سیزن 2004 اور 2005 میں ریلیز کیا گیا تھا۔’کافی ود کرن‘ کا دوسرا سیزن 2007 میں ریلیز ہوا تھا، چوتھا 2009 اور پانچواں 2012 میں نشر کیا گیا تھا۔