تحریک انصاف کو ڈونیشن دینے والی ایک اور اوورسیز پاکستانی کا الیکشن کمیشن کے نام پیغام

اسلام آباد (قدرت روزنامہ) تحریک انصاف کو ڈونیشن دینے والی اوورسیز پاکستانی مہوش علی کا کہنا ہے کہ پاکستان کو چھوڑنے کا مطلب یہ نہیں کہ پاکستانی نہیں ہوں، الیکشن کمیشن کو ایسے فیصلے دیتے ہوئے شرم آنی چاہیے.
تفصیلات کے مطابق تحریک انصاف کو ڈونیشن دینے والی اوورسیز پاکستانی مہوش علی نے الیکشن کمیشن کے نام ویڈیو پیغام میں کہا ہے کہ پاکستان کو چھوڑنے کا مطلب یہ نہیں کہ پاکستانی نہیں ہوں، پندرہ سال سے کینیڈا میں ہوں۔مہوش علی کا کہنا تھا کہ الیکشن کمیشن کو ایسے فیصلے دیتے ہوئے شرم آنی چاہیے۔
پی ٹی آئی کے رہنما شہباز گل نے سماجی رابطے کی ویب سائٹ ٹوئٹر پر خاتون کی ویڈیو شیئر کردی اور لکھا اس والی ایجنٹ کے پاس تو پاکستانی پاسپورٹ، نادرا کا شناختی کارڈ بھی ہے، اب الیکشن کمیشن کیا کرے گا، کہیں پاسپورٹ اور شناختی کارڈ واپس تو نہیں لینا؟

اس والی ایجنٹ کے پاس تو پاکستانی پاسپورٹ اور نادرا کا شناختی کارڈ بھی ہے۔ اب الیکشن کمیشن کیا کرے گا۔ کہیں پاسپورٹ اور شناختی کارڈ واپس تو نہیں لینا؟ pic.twitter.com/FOBxFx2Uh8

— Dr. Shahbaz GiLL (@SHABAZGIL) August 4, 2022