تیرہ اگست جلسہ، عمران خان نے قوم کے نام ویڈیو پیغام جاری کردیا

اسلام آباد (قدرت روزنامہ)چیئرمین پی ٹی آئی عمران خان نے تیرہ اگست کے تاریخ ساز جلسے سے متعلق عوام کے نام ویڈیو پیغام جاری کیا ہے . تفصیلات کے مطابق اپنے ویڈیو پیغام میں عمران خان نے قوم کو مخاطب کرتے ہوئے کہا کہ تیرہ اگست کی رات آپ کو لاہور ہاکی اسٹیڈیم آنے کی دعوت دیتا ہوں .

عمران خان نے کہا کہ سب نے آنا ہے، فیملیز بچے بزرگ اور خاص طورپر نوجوان جلسے میں آئیں، ہم نے چودہ اگست کا جشن بھی منانا ہے اور حقیقی آزادی کےسفر پر بھی جانا ہے .

نکلو پاکستان کی خاطر! 13 اگست بمقام پاکستان ہاکی اسٹیڈیم!! #حقیقی_آزادی_جلسہ pic.twitter.com/3dTNKS0F0u

— PTI (@PTIofficial) August 11, 2022

چیئرمین پی ٹی آئی عمران خان نے اپنے ویڈیو پیغام میں کہا کہ ہم حقیقی آزادی کے آخری مرحلے پر پہنچ چکے ہیں، ایک خودار قوم کیلئے میں سب کو دعوت دے رہا ہوں کہ ہم نے پاکستان کو وہ ملک بنانا ہے جو سوائے اللہ کےکسی کےآگے نہیں جھکتا .
عمران خان کا مزید کہنا تھا کہ جشن بھی منائیں گے اور طے کریں گے اپنے نظریے پر کیسے پہنچنا ہے؟واضح رہے کہ پی ٹی آئی تیرہ اگست کو لاہور کے ہاکی گراؤنڈ میں جشن آزادی اور حقیقی آزادی جلسہ کرنے جارہی ہے .