پاکستان کے اہم شہر میں پولیس کے اعلیٰ عہدے پر تعینات یہ خاتون جانتے ہیں کون ہیں ؟

کراچی (قدرت روزنامہ) کراچی کے مختلف جنرل تھانوں میں خاتون ایس ایچ اوز کی تعیناتی کے بعد اب ڈسٹرکٹ سینٹرل کے تھانے میں ایک خاتون پولیس اہلکار کو ہیڈ محرر تعینات کردیا گیا ہے . سینیئر سپرنٹنڈنٹ پولیس سینٹرل محمد معروف عثمان کے مطابق لیڈی ہیڈ کانسٹیبل فائزہ ظہیر کو ڈسٹرکٹ سینٹرل کے یوسف پلازہ تھانے میں ہیڈ محرر تعینات کیا گیا ہے .

تھانے کے ایس ایچ او کے بعد ہیڈ محرر ایک اہم انتظامی عہدہ کہلاتا ہے . تھانے کے تمام دستاویزی معاملات کے علاوہ علاقے میں پولیس فورس کی پوسٹنگ اور اہم معلومات ہیڈ محرر کی ذمہ داری ہوتی ہے . ایس ایس پی معروف عثمان کے مطابق ایسا انسپکٹر جنرل پولیس سندھ غلام نبی میمن کی خواتین پولیس ملازمین کیلئے خود مختاری کی پالیسی کے باعث کیا گیا ہے . انہوں نے بتایا کہ ان کے ڈسٹرکٹ میں مختلف خواتین تھانوں میں منشی کی ڈیوٹی بھی کر رہی ہیں .