مثالیں ریاست مدینہ کی اور پروٹوکول بادشاہوں والا، حنا پرویز کا عمران خان پر طنز
لاہور (قدرت روزنامہ)رکنِ صوبائی اسمبلی حنا پرویز بٹ کی جانب سے سوشل میڈیا پر سابق وزیرِ اعظم عمران خان کے شاہی پروٹوکول کی ایک ویڈیو شیئر کی گئی ہے۔
پاکستان مسلم لیگ ن کی رہنما حنا پرویز بٹ نے مائیکرو بلاگنگ ویب سائٹ ٹوئٹر پر ایک ویڈیو شیئر کرتے ہوئے دعویٰ کیا ہے کہ یہ عمران خان کا شاہانہ پروٹوکول ہے جو وہ سفر کے لیے استعمال کرتے ہیں۔
یہ ہے وہ اقتدار کا نشہ جس کی لت نیازی صاحب کو لگ گئی ہے۔۔۔وفاق میں یہ عالیشان پروٹوکول کھونے کی وجہ سے ہی تو اب تک یہ رو رہے ہیں۔۔۔مثالیں ریاست مدینہ کی اور پروٹوکول بادشاہوں والا pic.twitter.com/ue569fPLXY
— Hina Parvez Butt (@hinaparvezbutt) August 13, 2022
حنا پرویز بٹ کا اپنے ٹوئٹ میں لکھنا ہے کہ یہ ہے وہ اقتدار کا نشہ جس کی لت نیازی صاحب کو لگ گئی ہے، وفاق میں یہ عالیشان پروٹوکول کھونے کی وجہ سے ہی تو اب تک یہ رو رہے ہیں، مثالیں ریاست مدینہ کی اور پروٹوکول بادشاہوں والا۔
حنا پرویز کی جانب سے شیئر کی گئی ویڈیو میں دیکھا جا سکتا ہے کہ چند پرائیویٹ گاڑیوں کے پیچھے اَن گنت پولیس کی گاڑیاں سیکیورٹی فراہم کر رہی ہیں۔
