سارہ علی خان کا پاکستانی ڈیزائنر کے جوڑے میں فوٹو شوٹ وائرل
اسلام آباد (قدرت روزنامہ)بالی ووڈ انڈسٹری کی اُبھرتی ہوئی اداکارہ سارہ علی خان کا مشہور پاکستانی ڈیزائنر محسن نوید رانجھا کے جوڑے میں فوٹو شوٹ سوشل میڈیا پر وائرل ہو گیا ہے۔
شہور ڈیزائنر محسن نوید رانجھا نے فوٹو اینڈ ویڈیو شیئرنگ ایپ انسٹاگرام پر اداکارہ کی ایک تصویر شیئر کی ہے۔
View this post on Instagram
سارہ علی خان نے اس تصویر میں محسن نوید کا ڈیزائن کیا ہوا برائیڈل ڈریس پہنا ہوا ہے جس میں بے حد خوبصورت لگ رہی ہیں۔پاکستانی ڈیزائنر نے تصویر شیئر کرتے ہوئے لکھا کہ بالی ووڈ کی نواب زادی نے ہمارا جوڑا پہن کر میگزین کے لیے فوٹو شوٹ کروایا ہے اور اپنی شاہانہ دلکشی سے مسرور کیا ہے۔
اس سے قبل سارہ علی خان کی محسن نوید رانجھا کے ساتھ لندن میں ہونے والی ملاقات کے دوران لی گئی تصاویر میڈیا کی توجہ کا مرکز بنی تھیں۔
یہ تصاویر سامنے آتے ہی مداحوں نے دونوں معروف شخصیات کے درمیان مستقبل میں شراکت داری ہونے کے امکانات کے بارے میں سرگوشیاں کرنا شروع کردی تھیں۔گزشتہ دنوں اداکارہ نے اپنے انسٹاگرام اکاؤنٹ اسٹوری پر ایک ویڈیو شیئر کی تھی جس میں انہیں جم میں ورک آؤٹ کرتے ہوئے دیکھا گیا تھا۔
اداکارہ کی اس دلچسپ ویڈیو کو سوشل میڈیا صارفین خوب پسند کررہے تھے۔
اس سے قبل اداکارہ کی جانب سے پوسٹ کی جانے والی ویڈیو میں وہ مختلف اقسام کی ورزشیں کرتی ہوئی نظر آئی تھیں جس میں پش اپس، شولڈر پریس اور کئی اور شامل تھیں۔
View this post on Instagram
ویڈیو کے کیپشن میں اداکارہ نے لکھا تھا کہ واپس آنا اچھا ہے۔واضح رہے کہ معروف اداکارہ اترنگی رے، لوو آج کل اور کئی فلموں میں اپنی اداکاری کے جوہر دکھا چکی ہیں۔