عمران خان کا انسداد دہشت گردی کی عدالت میں پیش ہونے کا فیصلہ
اسلام آباد (قدرت روزنامہ)سابق وزیراعظم عمران خان کی جانب سے کل انسداد دہشت گردی کی عدالت میں پیش ہونے کا فیصلہ کرلیا گیا ہے۔تفصیلات کے مطابق چئیرمین پی ٹی آئی عمران خان کی زیر صدارت قانونی ٹیم کا اجلاس آج منعقد ہوا۔
چئیرمین پی ٹی آئی عمران خان کا کل انسداد دہشت گردی کی عدالت پیش ہونے کا فیصلہ۔ @BabarAwanPK
#PakistanUnderFascism
pic.twitter.com/GeWZIItxZL— PTI (@PTIofficial) August 24, 2022
اجلاس کےحوالے سے عمران خان کے وکیل ڈاکٹر بابر اعوان نے اپنے ایک پیغام می بتایا ہے کہ قانونی ٹیم کے اجلاس میں فیصلہ کیا گیا ہے کہ کل اے ٹی سی میں عمران خان کی ضمانت کی درخواست دائر کی جائیگی۔انہوں نے بتایا کہ ان تمام معاملات کے لئے چیئرمین پی ٹی آئی عمران خان خود جائینگے اور اس جعلی مقدمے کے خلاف اقدامات کریں گے۔
بابر اعوان کا کہنا تھا کہ اس مقدمے میں نہ کوئی دھماکہ ہوا اور نہ کوئی فائرنگ کا واقعہ پیش آیا بلکہ پولیس نے پولیس کے حق میں دہشتگردی کی دفعات لگا کر پاکستان کے دہشگردی کے خلاف بیان پر پانی پھیر دیا ہے۔