سیلاب متاثرین کی مدد کیلئے ‘واؤ گریپ’ میم کی بطور این ایف ٹی نیلامی کا اعلان

Last Updated: September 4, 2022

اسلام آباد (قدرت روزنامہ)پاکستان میں تباہ کن سیلاب کے باعث ایک ہزار 200 سے زائد افراد ہلاک اور لاکھوں بے گھر ہوئے ہیں، اس قدرتی آفت نے ایک بار پھر قوم کے جذبہ ہمدردی کو اجاگر کردیا ہے۔
کچھ افراد نے انتہائی ضروری اشیا عطیہ کرنے کا انتخاب کیا جبکہ دوسروں نے ضرورت مندوں کی مدد کے لیے اپنا وقت اور توانائی عطیہ کی ہے۔


تاہم ‘واؤ گریپ’ نامی میم کی شہرت رکھنے والی سابق سینیٹر سحر کامران نے اپنے وائرل لمحے کو اچھے کام کے لیے استعمال کرنے کا فیصلہ کیا ہے۔
متاثرین سیلاب کی بحالی کے لیے فنڈز اکٹھا کرنے کے لیے اس میم کو 30 ستمبر کو ایک نان فنجیبل ٹوکن (این ایف ٹی) کے طور پر نیلام کیا جائے گا۔اس این ایف ٹی کو ڈیجیٹل آرٹ مارکیٹ پلیس فاؤنڈیشن پر فروخت کیا جائے گا، جس کے لیے اس لنک پر رسائی حاصل کی جا سکتی ہے۔


پاک ڈیلی کے حمزہ اظہر اسلم سے وائرل میم کے بارے میں بات کرتے ہوئے سحر کامران نے کہا کہ ‘میں نہیں جانتی کہ گریٹ کس طرح گریب بن گیا لیکن میں نے اسے قبول کیا اور سوچا کہ اسے اچھے مقصد کے لیے استعمال کیا جانا چاہیے’۔
یاد رہے کہ وائرل ہونے والی ویڈیو میں سحر کامران جدہ میں پاکستانی تارکین وطن کے بچوں کے اسکول میں طلبہ کی ایک قطار کے ساتھ کھڑی تھیں اور ان سے پوچھ رہی تھیں کہ وہ بڑے ہوکر کیا کرنا چاہیں گے۔ایسے میں ایک لڑکا آیا اور اس نے پاکستان کی فوج کی حمایت اور بھارت کے خلاف ایک مشین گن کا سالوو چھوڑا۔

اس پر سینیٹر سحر کامران کو ‘اسٹرونگ آرمی، واؤ’ کہتے ہوئے سنا جاسکتا ہے اور ‘گریٹ’ کے بجائے ‘گریپ’ سنا گیا، ان کا یہ جملہ زبان زدِعام ہوگیا تھا۔

Tags
Last Updated: September 4, 2022