پاکستان کے سابق فاسٹ بالر محمد عامر کی اپنی پسندیدہ اداکارہ سے ملاقات

کراچی(قدرت روزنامہ) پاکستان کے سابق فاسٹ بالر محمد عامر نے اپنی پسندیدہ بھارتی اداکارہ کے ساتھ تصویر شیئر کر دی۔پاکستان کے سابق فاسٹ بولر محمد عامر اس وقت جاری کیریبین پریمیئر لیگ میں جمیکا تلاواہ کی نمائندگی کر رہے ہیں۔
تاہم اس میچ کے دوران محمد عامر کی ان کی پسندیدہ اداکارہ سے بھی ملاقات ہوئی محمد عامر نے ٹوئٹر پر بالی ووڈ اداکارہ پریتی زنٹا کے ساتھ اپنی تصویر شیئر کی اور ساتھ ہی بتایا کہ پریتی ان کی بالی ووڈ کی ہمیشہ سے پسندیدہ اداکار ہیں۔
محمد عامر نے انڈین پریمیئر لیگ (آئی پی ایل) فرنچائز پنجاب کنگز کی شریک مالک اور اداکارہ پریتی زنٹا کے ساتھ شیئر کردہ تصویر کے کیپشن میں لکھا کہ ’بالی ووڈ سے میری ہر وقت کی پسندیدہ اداکارہ پریتی زنٹا‘۔

my all time favourite from bollywood @realpreityzinta pic.twitter.com/vwLG0Ga4gE

— Mohammad Amir (@iamamirofficial) September 8, 2022

یاد رہے کہ پریی زنٹا سینٹ لوشیا کنگز کی شریک مالک ہیں اور وہ سینٹ لوشیا کے گروس آئلیٹ میں کھیلے گئے تلاواہ اور کنگز کے درمیان سی پی ایل میچ میں شرکت کر رہی تھیں۔اس میچ میں محمد عامر چار اوورز میں 3-25 کے اسپیل کے ساتھ واپس لوٹے۔ انہوں نے نیروشن ڈکویلا، فاف ڈو پلیسس اور روشن پرائمس کی وکٹیں لیں۔
یہ سینٹ لوشیا کنگز تھا جس نے بدھ کو جمیکا تلاواہ کو 2 وکٹوں سے شکست دی 164 کے ہدف کے تعاقب میں کنگز کی جانب سے جانسن چارلس نے سب سے زیادہ 62 رنز کی اننگز کھیلی۔خیال رہے کہ عامر نے 2020 میں انٹرنیشنل کرکٹ سے ریٹائرمنٹ کا اعلان کیا تھا۔ عامر نے 36 ٹیسٹ، 61 ون ڈے اور 50 ٹی ٹوئنٹی میں پاکستان کی نمائندگی کی اور کھیل کے تمام فارمیٹس میں 259 وکٹیں حاصل کیں۔