وزیراعظم کی عالمی برادری کا مرکز نگاہ بننے کی تصویر کی حقیقت سامنے آگئی
سمرقند(قدرت روزنامہ) وزیراعظم شہباز شریف کی ازبکستان میں عالمی برادری کا مرکز نگاہ بننے کی تصویر کی حقیقت سامنے آگئی . وزیراعظم شہباز شریف ازبکستان میں شنگھائی تعاون تنظیم اجلاس میں شریک ہیں .
اس دوران ان کی ایک تصویر سامنے آئی جس میں وہ عالمی سربراہان مملکت کا مرکز نگاہ بنے ہوئے ہیں . شہباز شریف ٹھوڑی پر ہاتھ رکھے مسکرا رہے ہیں اور دیگر سربراہان مملکت ان کی طرف دیکھ رہے ہیں .
اس تصویر پر ن لیگ کے حامی خوب خوش ہوئے اور اس کی خوب تشہیر کی کہ عالمی دنیا میں ہمارے وزیراعظم کو کتنی عزت دی جاتی ہے . اس پر عوام بھی حیران ہوئے کہ ایسی کیا بات تھی جس پر شہباز شریف عالمی برادری کا مرکز نگاہ بن گئے .
تاہم اب ایک ویڈیو سامنے آئی جس نے اس تصویر کی حقیقت سے پردہ اٹھادیا . ہوا یہ تھا کہ اجلاس میں شریک عالمی سربراہان مملکت جن میں روسی صدر پیوٹن، ترک صدر رجب طیب ایردوان بھی شامل تھے، کھانوں کے اسٹالز کا دورہ کررہے تھے اور وہاں رکھی گئی مختلف چیزیں چکھ رہے تھے .
شہباز شریف کی دنیا کے بڑے رہنماوں کے درمیان وائرل ہونے والی تصویر کی اصل کہانی
meeting with President Putin
Joker https://t.co/tH7TiKBM3f pic.twitter.com/gkJsL8Hmjq— RJ. Sikandar خان Khalil ♡ (@TheKhaleil) September 16, 2022
After 4 long years, Pakistan finally gets a leader who commands global respect.🇵🇰💚 pic.twitter.com/cOcNdfAg8b
— PML(N) (@pmln_org) September 15, 2022
ایک اسٹال پر دیگر لیڈرز آگے کھڑے کچھ نوش کررہے تھے جبکہ شہبازشریف پیچھے کھڑے تھے اور انہیں آگے آکر کھانے کی جگہ نہیں مل رہی تھی تو میزبان نے انہیں آگے بلایا اور دیگرمہمانوں نے ان کیلیے جگہ بنائی تو وہ آگے آئے اور اسٹال پر رکھے لوازمات چکھے . اس موقع پر یہ تصویر لے لی گئی .
