نادیہ حسین کی بابر علی کیساتھ مزاحیہ ویڈیو وائرل
اسلام آباد (قدرت روزنامہ)پاکستان کی معروف اداکارہ و نامور ماڈل نادیہ حسین کی اداکار بابر علی کے ساتھ مزاحیہ ویڈیو سوشل میڈیا پر وائرل ہو گئی ہے۔نادیہ حسین نے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی ہے جسے مداحوں کی جانب سے بہت پسند کیا جارہا ہے۔
View this post on Instagram
وائرل ویڈیو میں دیکھا جاسکتا ہے کہ دونوں اداکار ایک ڈائیلاگ پر لپسنگ کر رہے ہیں جسے دیکھ کر صارفین خوب محظوظ ہورہے ہیں۔اس سے قبل نادیہ حسین کی مزاحیہ ویڈیو سوشل میڈیا پر وائرل ہو گئی تھی۔
سوشل میڈیا کے مختلف پیجز پر ایک ویڈیو وائرل ہو گئی تھی جسے دیکھ کر لگا تھا کہ نادیہ حسین بھی بجلی کے بڑھتے ہوئے بل سے تنگ آچکی ہیں۔
View this post on Instagram
انہوں نے ایک مزاحیہ ویڈیو بنائی تھی جس میں اداکارہ کو ایک ڈائیلاگ پر لپسنگ کرتے ہوئے دیکھا گیا تھا ۔وائرل ویڈیو کو نادیہ حسین کے مداحوں کی جانب سے بہت پسند کیا گیا تھا ۔
گزشتہ دنوں نادیہ حسین نے خواتین کو مشورہ دیا تھا کہ جیسے ہی وہ اپنی جسامت میں تبدیلیاں محسوس کریں تو انہیں فوری طور پر خون کے چند ٹیسٹ کروانے چاہئیے۔نادیہ حسین نے انسٹاگرام پر ایک ویڈیو شیئر کی تھی، جس میں انہوں نے خواتین سے مخاطب ہوتے ہوئے بتایا تھا کہ میرا وزن بڑھتا ہوا محسوس ہوا اور کمر کے اردگرد چربی جمع ہونا شروع ہوگئی۔
View this post on Instagram
انہوں نے بتایا کہ چربی جمع ہونے کے علاوہ انہیں ورزش کے دوران بھی جلد تھکاوٹ ہورہی تھی اور مجموعی طور پر انہیں متعدد تبدیلیاں محسوس ہوئیں جس پر معالج سے رجوع کرنے کا فیصلہ کیا۔نادیہ حسین کا کہنا تھا کہ جب انہوں نے معالج کی ہدایات پر خون کے چند ٹیسٹ کروائے تو معلوم ہوا کہ ان کے تھائیراڈ کے کچھ ہارمونز میں کمی کے علاوہ ان میں آئرن، وٹامن ڈی اور وٹامن بی 12 کی کمی پائی گئی۔
انہوں نے بتایا کہ وٹامنز کی کمی کی تشخیص کے بعد سپلمینٹس اور مذکورہ وٹامنز سے بھرپور غذائیں کھانا شروع کردی ہیں اور اب وہ بہتری محسوس کر رہی ہیں۔ماڈل نے مداحوں اور خصوصی طور پر خواتین کو مشورہ دیا کہ وہ اپنی جسامت اور طبیعت میں تھوڑی سی تبدیلی کے بعد خون کے چند ٹیسٹ کرواکر اپنی صحت کا خیال رکھیں۔ویڈیو پر کئی لوگوں نے کمنٹس کرتے ہوئے ان کی تجاویز کو سراہا اور ان کی جانب سے کہی گئی باتوں کو فائدے مند معلومات قرار دیا۔