سندھ: ڈائیریا، ملیریا جیسی وبائی بیماریاں جنم لینے لگیں

کراچی (قدرت روزنامہ)سندھ کے سیلاب سے متاثرہ علاقوں میں ہیضہ، ڈائیریا، ملیریا اور دیگر وبائی امراض جنم لینے لگے . محکمۂ صحت سندھ کے مطابق خیرپور کی تحصیل کنگری میں گیسٹرو سے مزید 3 افراد انتقال کر گئے، جبکہ صوبے بھر میں 24 گھنٹے کے دوران 3 بچوں سمیت 6 افراد گیسٹرو سے چل بسے .

شہریوں کا کہنا ہے گرمی اور حبس سے بچے بوڑھے مختلف بیماریوں کا شکار ہو رہے ہیں، فوری طور پر بجلی بحال کی جائے . دوسری جانب میہڑ اور سپریو بند کے درمیان سیلاب میں ڈوبے دیہات کے مزید 400 مکانات گر گئے . قمبر شہداد کوٹ کی تحصیل وارہ سے سیہون تک اب بھی کئی کئی فٹ پانی کھڑا ہے .