عفت عمر نے ٹرانس جینڈر بِل کی بھرپور حمایت کردی
اسلام آباد (قدرت روزنامہ)پاکستانی معروف اداکارہ و میزبان عفت عمر ٹرانس جینڈر بل کی حمایت میں سامنے آ گئی ہیں . اداکارہ عفت عمر نے اپنے مائیکرو بلاگنگ ویب سائٹ ٹوئٹر اکاؤنٹ پر ٹرانس جینڈر بل سے متعلق ٹوئٹ شیئر کیا ہے .
I totally support Transgender Act and condemn all this propaganda against them and detest such parties and mindset.
— Iffat Omar Official (@OmarIffat) September 21, 2022
عفت عمر کا کہنا ہے کہ میں مکمل طور پر ٹرانس جینڈر ایکٹ کی حمایت کرتی ہوں اور اس کے خلاف ایسی تمام جماعتوں اور ذہنیت سے نفرت اور مذمت کرتی ہوں جو اس بل کے خلاف پروپیگنڈے میں شامل ہیں .
View this post on Instagram
واضح رہے کہ وزیر قانون اعظم نذیر تارڑ کا اس بِل سے متعلق کہنا ہے کہ ٹرانس جینڈر بل میں جنسی ہراسانی کو جرم بنایا گیا ہے، ڈس انفارمیشن ایسے پھیلائی گئی ہے جیسے یہ سارا بل ہی غلط ہے . اسلام آباد میں پریس کانفرنس کرتے ہوئے وزیر قانون کا کہنا تھا کہ ٹرانس جینڈر بل میں خواجہ سراؤں کے ملازمت کے حق کو محفوظ اور علاج معالجے کے معاملے کو تحفظ دیا گیا .
وزیر قانون نے کہا کہ ٹرانس جینڈر بل میں خواجہ سراؤں سے بھیک منگوانے کو بھی جرم قرار دیا گیا ہے، ہر قانون جو پاس ہوتا ہے اس میں کوئی نہ کوئی سقم ہوسکتا ہے .
