وزیرِ اعظم آفس کا ڈیٹا ڈارک ویب پر فروخت کیلئے پیش ہوا ہے: فواد چوہدری

اسلام آباد (قدرت روزنامہ)پاکستان تحریکِ انصاف (پی ٹی آئی) کے رہنما فواد چوہدری نے ن لیگی رہنماؤں اور وزراء کی آڈیو لیک سامنے آنے پر ردِ عمل کا اظہار کیا ہے۔
فواد چوہدری نے اس معاملے سے متعلق ٹوئٹر پر لکھا ہے کہ وزیرِ اعظم کا آفس ڈیٹا جیسے ڈارک ویب پر فروخت کے لیے پیش ہوا یہ سائبر سیکیورٹی کے حالات بتاتا ہے۔

وزیر اعظم پاکستان کا آفس ڈیٹا جس طرح ڈارک ویب پر فروخت کیلئے پیش کیا گیا یہ ہمارے ہاں Cyber Security کے حالات بتاتا ہے، یہ ہماری انٹیلی جنس ایجنسیز خصوصاً IB کی بہت بڑی ناکامی ہے ظاہر ہے سیاسی معاملات کے علاوہ سیکیورٹی اور خارجہ موضوعات پر بھی اہم گفتگو اب سب کے ہاتھ میں ہے

— Ch Fawad Hussain (@fawadchaudhry) September 25, 2022

فواد چوہدری نے یہ بھی لکھا ہے کہ یہ ہماری انٹیلی جنس ایجنسیز کی ناکامی ہے۔واضح رہے کہ وزیرِ اعظم ہاؤس سے گزشتہ 12 گھنٹوں میں 2 آڈیو لیکس ہوئی ہیں۔
گزشتہ روز وزیرِ اعظم شہباز شریف کی مبینہ آڈیو ٹیپ سامنے آئی تھی۔آج وزیرِ اعظم ہاؤس سے وزیرِ اعظم شہباز شریف، وفاقی وزراء اور ن لیگی رہنماؤں کے اجلاس کی آڈیو لیک ہوئی ہے۔