عمران عباس اداکارہ امیشا پٹیل سے شادی کرنے والے ہیں؟ بھارتی میڈیا کا بڑا دعویٰ
اسلام آباد (قدرت روزنامہ) پاکستان کے معروف اداکارعمران عباس اور بھارتی اداکارہ امیشا پٹیل سے متعلق افواہیں سوشل میڈیا پر گردش کر رہی ہیں۔حال ہی میں عمران عباس اور امیشا پٹیل کی دبئی میں ملاقات ہوئی جس کے بعد دونوں اداکاروں نے ایک ساتھ کئی ویڈیوز بنائیں۔
ویڈیوز دیکھنے کے بعد مداحوں کی جانب سے بھی اس جوڑی کے حوالے سے تبصروں کا سلسلہ جاری ہے۔کچھ مداحوں نے اس جوڑی کو ایک ساتھ پسند کیا جبکہ کچھ انہیں تنقید کا نشانہ بنا رہے ہیں۔
ایک بھارتی مداح نے کہا کہ امیشا کی آنے والی فلم گدر کو منسوخ کرنے اور بائیکاٹ کرنے کا وقت آگیا ہے اور کچھ لوگوں نے سخت تبصرے بھی کیے ہیں۔اس سے قبل عمران عباس اور اداکارہ امیشا پٹیل کی ڈانس ویڈیو سوشل میڈیا پر وائرل ہو گئی تھی۔
View this post on Instagram
عمران عباس کی جانب سے فوٹو اینڈ ویڈیو شئیرنگ ایپ انسٹاگرام پر ایک ویڈیو شیئر کی گئی تھی جس میں ان کے ساتھ اداکارہ امیشا پٹیل بھی موجود تھیں۔ویڈیو میں عمران عباس اور امیشا پٹیل بالی ووڈ کے مشہور گانے ’دل میں درد سا جگا ہے‘ پر فلمی انداز میں ڈانس کر رہے تھے۔
اداکار نے اس ویڈیو کو شیئر کرتے ہوئے لکھا کہ اپنی دوست امیشا پٹیل کے ساتھ میری پسندیدہ بالی ووڈ دھنوں میں سے ایک پر ہمارا فلمی انداز، جسے اصل میں بھی امیشا پٹیل پر ہی فلمایا گیا تھا جبکہ اسے گلوکار اُدیت نارائن اور الکا یاگنک نے گایا ہے۔
سوشل میڈیا صارفین جہاں اس ویڈیو کو بہت پسند کر رہے تھے وہیں مداح اس بات پر حیران تھے کہ اس جوڑے کے درمیان قربت بہت بڑھ گئی ہیں۔
گزشتہ دنوں بھی عمران عباس نے فوٹو اینڈ ویڈیو شئیرنگ ایپ انسٹاگرام پر امیشا پٹیل کے ساتھ لائیو سیشن کیا تھا۔
View this post on Instagram
اس موقع پر عمران عباس نے بتایا تھا کہ ماضی میں انہوں نے امیشا پٹیل کے ساتھ ایک فلم پر کام شروع کیا تھا لیکن وہ مکمل نہ ہوسکی۔اداکارہ امیشا پٹیل نے خوشی کا اظہار کرتے ہوئے کہا تھا کہ فلمیں قوموں کو متحد کرتی ہیں۔
انہوں نے کہا کہ مستقبل میں وہ عمران عباس کے ساتھ کام کرتی نظر آئیں گی۔دونوں فنکاروں کا کہنا تھا کہ لائیو سیشن کا مقصد محبت اور پیار کو پھیلانا ہے۔