اداکارہ علیزے شاہ کا نیا ٹیلنٹ سامنے آگیا
اسلام آباد (قدرت روزنامہ)پاکستان کی مشہور اداکارہ علیزے شاہ کی گانا گنگنانے کی ویڈیو سوشل میڈیا پر وائرل ہوگئی ہے . حال ہی میں معروف اداکارہ علیزے شاہ نے اپنے انسٹاگرام کی اسٹوری پر ایک ویڈیو پوسٹ کی ہے جسے مداحوں کی جانب سے خوب پسند کیا جارہا ہے .
ویڈیو میں دیکھا جاسکتا ہے کہ اداکارہ کینیڈین گلوکارہ ایلے سیاکیرا کا (Scars to Your Beautiful) گانا گنگنا رہی ہیں . سوشل میڈیا صارفین کا کہنا ہے کہ اداکارہ علیزے شاہ کی آواز بہت اچھی ہے، ایک صارف نے تو انکو گلوکارہ بننے کا مشورہ بھی دے دیا .
اس سے قبل علیزے شاہ نے فوٹو اینڈ ویڈیو شئیرنگ ایپ انسٹاگرام پر اپنی تصاویر پوسٹ کی تھیں جسے مداحوں کی جانب سے بہت پسند کیا گیا تھا .
شئیر کی گئی تصاویر میں اداکارہ آسمانی رنگ کی میکسی زیب تن کی ہوئی تھیں ساتھ میں انہوں نے اپنے بال بھی کھولے ہوئے تھے جس میں وہ اور بھی زیادہ حسین لگ رہی تھیں . وائرل تصاویر میں علیزے شاہ ایک گڑیا لگ رہی تھیں اور مداحوں کی جانب سے انکی خوبصورتی کی تعریفیں کی جارہی تھیں .
گزشتہ دنوں اداکارہ علیزے شاہ نے مداحوں کی فرمائش پر ایک بار پھر اپنا وزن بڑھایا تھا . علیزے شاہ نے اپنے تصدیق شدہ انسٹا گرام اکاؤنٹ پر ایک ویڈیو پوسٹ کی تھی .
View this post on Instagram
علیزے شاہ کے وزن میں اچانک کمی کی وجہ سے لوگوں نے ان کو بہت زیادہ تنقید کا نشانہ بنایا جس وجہ سے اداکارہ نے ان لوگوں کے لیے ایک ویڈیو شئیر کی تھی جو ان سے وزن بڑھانے کا کہہ رہے تھے .
ویڈیو میں اداکارہ غائبانہ طور پر ڈونٹ کھاتی ہیں اور اس سے انکا چہرہ موٹا ہوجاتا ہے اور وہ ان لوگوں کو مخاطب کر کے کہتی ہیں کہ اب خوش ہوجائیں میں موٹی ہوگئی . واضح رہے کہ معروف اداکارہ متعدد ڈراموں میں اپنی بہترین اداکاری کے جوہر دکھا چکی ہیں .
