آرمی چیف کی زیرصدارت کور کمانڈر کانفرنس، داخلی اور بیرونی سیکیورٹی صورتحال پر تبادلہ خیال

اسلام آباد (قدرت روزنامہ)ٓآرمی چیف کی زیرصدارت کور کمانڈرکانفرنس ہوئی ہے۔پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل قمر جاوید باجوہ کی زیر صدارت کور کمانڈرکانفرنس ہوئی جس میں داخلی اوربیرونی سیکیورٹی صورتحال پرتبادلہ خیال کیا گیا۔
آئی ایس پی آر کا کہنا ہے کہ بدترین سیلاب اور امدادی کاموں میں فارمیشنزکی کوششوں پرتفصیلی بات چیت کی گئی۔ آئی ایس پی آر نے بتایا کہ کانفرنس کےشرکاء نے سیلاب متاثرین سے اظہار یکجہتی اور بھرپورتعاون کےعزم کا اعادہ کیا۔ آئی ایس پی آر نے کہا کہ آرمی چیف نے متاثرین کی مشکلات کے ازالے کیلئے فارمیشنز کے کردار کی تعریف کی اور آرمی ڈاکٹرز، پیرامیڈیکس اسٹاف کی خدمات کو بھی سراہا۔
آرمی چیف نے کہا کہ فارمیشنز ریلیف بحالی اورتعمیرنومیں بڑھ چڑھ کرحصہ لیں، متاثرہ علاقوں میں معمولات زندگی کی بحالی جلداز جلد یقینی بنائیں۔آئی ایس پی آر کا کہنا ہے کہ آرمی چیف نے پیشہ ورانہ تیاریوں پراطمینان کا اظہار کیا اور کہا کہ فارمیشنز ہر طرح کے خطرات سے نمٹنے کیلئے تیار رہیں۔
آئی ایس پی آر نے کہا کہ کانفرنس میں سیکیورٹی امور باالخصوص بارڈرزکی صورتحال پربھی بات چیت کی گئی، پاک فوج کے دیگرپیشہ ورانہ امورپربھی سیر حاصل گفتگو ہوئی۔آئی ایس پی آر کا مزید کہنا ہے کہ دہشت گردی کودوبارہ سرنہیں اٹھانے دیں گے اور فارمیشنزدہشت گردی کے خاتمے کیلئے ہرممکن اقدامات کریں۔