عمران خان کی آڈیو لیک سے ’سازش کابیانیہ‘ پھر بےنقاب ہوگیا، شیری رحمٰن
اسلام آباد (قدرت روزنامہ)وزیر ماحولیاتی تبدیلی سینیٹر شیری رحمٰن کا عمران خان کی آڈیو لیک پر اپنے ردِعمل میں کہنا ہے کہ امریکی سائفر کے متعلق عمران خان کی آڈیو لیک سے ’سازش کا بیانیہ‘ پھر بےنقاب ہوگیا۔شیری رحمٰن نے اپنے ایک بیان میں کہا کہ’عمران خان سائفر کے مواد کا من پسند مطلب نکالنے کا منصوبہ بنا رہے تھے‘۔
امریکی سائفر کے حوالے سے عمران خان کی آڈیو لیک سے “سازش کا بیانیہ” ایک بار پھر بے نقاب ہو گیا ہے۔ عمران خان سائفر کے مواد کا من پسند مطلب نکالنے کا منصوبہ بنا رہے تھے۔ عمران خان کہہ رہے کہ ہم اب سائفر پر “کھیلے” گے۔ عمران خان سائفر کے معاملے پر چھ ماہ سے سیاست کر رہے۔ 1/3
— SenatorSherryRehman (@sherryrehman) September 28, 2022
اُنہوں نے سوال اُٹھایا کہ عمران خان کہتے ہیں کہ ہم اب سائفر پر ’کھیلیں‘ گے، اگر یہ سازش تھی تو عمران خان ’کھیلنے‘ کی منصوبہ بندی کیوں کر رہے تھے؟
اگر یہ پاکستان کے خلاف سازش تھی تو عمران خان اس پر “کھیلنے” کی منصوبہ بندی کیوں کر رہے تھے؟ آڈیو لیک ایک ثبوت ہے کہ عمران خان نے سائفر کو سیاسی مقاصد کیلئے استعمال کیا۔ تحریک انصاف نے ایک معمولی سائفر کو بنیاد بنا کر پاکستان کے مفادات کو نقصان پہنچایا۔ 2/3
— SenatorSherryRehman (@sherryrehman) September 28, 2022
اُنہوں نے کہا کہ ’عمران خان سائفر کے معاملے پر 6 ماہ سے سیاست کر رہے ہیں‘۔اُنہوں نے مزید کہا کہ ’آڈیو لیک ایک ثبوت ہے کہ عمران خان نے سائفر کو سیاسی مقاصد کے لیے استعمال کیا‘۔شیری رحمٰن کا کہنا ہے کہ’تحریک انصاف نے معمولی سائفر کو بنیاد بنا کر پاکستان کے مفادات کو نقصان پہنچایا گیا اور سازش کی گئی‘۔
اُنہوں نے کہا کہ’ثابت ہو گیا مفروضی بیرونی مداخلت کا بیانیہ ایک سوچی سمجھی سازش ہے‘۔اُنہوں نے مزید کہا کہ ’عمران خان نے ملک اور خارجی مفادات کو اپنی سیاست کی نذر کیا‘۔وفاقی وزیر کا کہنا ہے کہ عمران خان نے اپنی سیاست بچانے کے لیے ملک کے خلاف سازش کی، وہ پاکستان کے مجرم ہیں‘۔