مجھے رات کو گن پوائنٹ پر اغوا کیا گیا، حلیم عادل شیخ کا انکشاف

کراچی(قدرت روزنامہ) اپوزیشن لیڈر سندھ حلیم عادل شیخ نے گن پوائنٹ پر اغوا کئے جانے کا انکشاف کرتے ہوئے کہا سادہ کپڑوں والے میں دوست کے ہوٹل سے اغواکر کے لے جارہے تھے۔تفصیلات کے مطابق اپوزیشن لیڈرسندھ حلیم عادل شیخ نے میڈیا سے گفتگو کرتے ہوئے انکشاف کیا کہ مجھے رات کوگن پوائنٹ پر اغوا کیا گیا۔
حلیم عادل شیخ کا کہنا تھا کہ آصف زرداری اوروزیر اعلیٰ سندھ نےسازش کی تاہم سی سی ٹی وی فوٹیج چلنےسےمیری جان بچ گئی۔سادہ کپڑوں والے میں دوست کے ہوٹل سے اغواکر کے لے جارہے تھے، 28جون کو 5 گھنٹےتقریرکی، وہاں سے مجھے پکڑلیتے، مجھےگرفتارکر لیتے، انہوں نےخفیہ کوشش کی پتہ ہی نہیں چلتا۔
اپوزیشن لیڈربننےسےپہلےمجھ پرکوئی کیس نہیں تھا ، اپوزیشن لیڈربننےکےبعدمجھ پر27کیس بن گئے، میرٹ کےپرجوذمہ دارہیں انکے خلاف کارروائی کی جائے۔خیال رہے اپوزیشن لیڈر سندھ حلیم عادل شیخ گلبرگ تھانہ پہنچ گئے، حلیم عادل شیخ کو حبس بے جا میں رکھنے کا مقدمہ اینٹی کرپشن سندھ کیخلاف درج ہے۔حلیم عادل شیخ نے پولیس کے روبرو بیان ریکارڈ کرایا ، جس میں کہا کہ ملوث ملزمان کوگرفتارکیاجائے، ایس ایچ اوگلبرگ، ایس ایچ او نصیرآباد کو شامل تفتیش کیا جائے۔