مریم نواز نے لاہور ہائیکورٹ سے اپنا پاسپورٹ لے لیا

لاہور (قدرت روزنامہ)پاکستان مسلم لیگ ن کی نائب صدر مریم نواز نے لاہور ہائی کورٹ سے اپنا پاسپورٹ لے لیا . مریم نواز نے ڈپٹی رجسٹرار کے کمرے سے پاسپورٹ وصول کیا، انہوں نے پاسپورٹ واپسی کے لیے دستاویزات پر دستخط کیے .

نائب صدر مسلم لیگ ن مریم نواز شریف کو عدالت کے حکم پر انکا پاسپورٹ واپس دے دیا گیا pic.twitter.com/ZpXnnIvYQB

— PML(N) (@pmln_org) October 4, 2022

مریم نواز میڈیا سے گفتگو کیے بغیر لاہور ہائی کورٹ سے روانہ ہو گئیں . واضح رہے کہ لاہور ہائی کورٹ نے مسلم لیگ ن کی رہنما، سابق وزیرِ اعظم نواز شریف کی صاحبزادی مریم نواز کی پاسپورٹ واپسی کی درخواست منظور کی تھی .
عدالت نے ڈپٹی رجسٹرار جوڈیشل کو تصدیقی عمل مکمل کر کے پاسپورٹ واپس کرنے کا حکم دیا تھا . خیال رہے کہ پاکستان مسلم لیگ ن کی نائب صدر مریم نواز شریف آج شام اہم پریس کانفرنس کریں گی . مریم نواز کے سیاسی سیکریٹری ذیشان ملک کی جانب سے سوشل میڈیا پر ایک پیغام جاری کیا گیا ہے .