بیوی نے شوہر کی سابقہ محبوبہ سے دوسری شادی کروا دی

نئی دہلی(قدرت روزنامہ) خاوند کی محبت میں بھارتی خاتون نے اپنے ہی شوہر کی سابقہ محبوبہ سے شادی کروا دی۔ایسا شاذ و نادر ہی دیکھنے کو ملتا ہے کہ کسی بیوی نے اپنی شوہر کی دوسری شادی کروائی ہو اور سوتن بننے والے خاتون شوہر کی سابقہ محبوبہ ہو۔
جی ہاں!بھارتی ریاست آندھرا پردیش میں یہ انوکھا واقعہ پیش آیا جہاں ایک خاتون نے اپنے شوہر کی اس کی سابقہ محبوبہ سے شادی کروائی۔
تروپتی شہر کے ایک مقامی ویڈیو مواد تخلیق کرنے والے کلیان کی سوشل میڈیا پر وملہ نامی خاتون سے دوستی کے بعد شادی ہوئی۔
شادی کو کچھ وقت گزرا تو وملہ کو پتہ چلا کہ اس کے شوہر کے ماضی میں وشاکا پٹم کی کسی خاتون سے رومانوی تعلقات تھے، جو کلیان سے اب بھی شادی کی خواہاں ہے۔وملہ نے اپنے شوہر کی دوسری شادی کا خود اہتمام کیا اور دونوں کی شادی کروا دی جس کے بعد تینوں ساتھ زندگی گزار رہے ہیں۔