ہانیہ عامر اور فرحان سعید کا برائیڈل فوٹو شوٹ سوشل میڈیا پر وائرل
کراچی(قدرت روزنامہ) پاکستانی ڈرامہ انڈسٹری کی خوبرو جوڑی ہانیہ عامر اور فرحان سعید کا ایک ساتھ نیا فوٹو شوٹ سوشل میڈیا پر وائرل ہو گیا . جسے سوشل میڈیا صارفین بے حد پسند کر رہے ہیں .
تفصیلات کے مطابق پاکستانی ڈرامہ سیریل "میرے ہمسفر "سے شہرت پانے والی معروف جوڑی اداکارہ ہانیہ عامر اور گلوکارو اداکار فرحان سعید کو شائقین اب ایک ساتھ دیکھنا پسند کر تے ہیں . ایسے میں انکا نیا پروجیکٹ آنے والا ہے وہیں انہوں نے ایک ساتھ خوبصورت فوٹوشوٹ کروایا ہے جسے دیکھ کر مداحوں کی خوشی میں اضافہ ہو گیا .
View this post on Instagram
لالی ووڈ کی ڈمپل گرل ہانیہ عامر اور چاکلیٹی بوائے فرحان سعید اس فوٹو شوٹ میں ایک ساتھ خوبصورت جوڑی کا نمونہ پیش کر رہے ہیں جبکہ یہ فوٹو شوٹ کسی کپڑوں کے برانڈ کے لیے کروایا گیا ہے .
View this post on Instagram
واضح رہے کہ ہانیہ عامر اور فرحان سعید نے حال ہی میں ایک نجی ٹی وی کے ایوارڈ شو میں ایک ساتھ پرفارمنس دی تھی جسےصارفین کی جانب سے بے حد پسند کیا گیا تھا . دوسری جانب اسی شو میں فرحان سعید کی اہلیہ، عروہ حسین نے اداکارہ زارا نور عباس کے ساتھ پرفارم کیا تھا .
