عمر سرفراز چیمہ کو مشیر داخلہ پنجاب بنانے کا فیصلہ
لاہور (قدرت روزنامہ)سابق گورنر پنجاب عمر سرفراز چیمہ کو ہاشم ڈوگر کی جگہ وزارت داخلہ کا چارج دینے کا فیصلہ کیا گیا ہے۔ پاکستان تحریک انصاف نے سابق گورنر پنجاب عمر سرفراز چیمہ کو پنجاب کا مشیر داخلہ بنانے کا فیصلہ کیا ہے اور اس حوالے سے چیئرمین پی ٹی آئی عمران خان نے پنجاب کی وزارت داخلہ کے لیے سابق گورنر پنجاب عمر سرفراز چیمہ کے نام کی منظوری بھی دے دی ہے۔
ذرائع کے مطابق عمر سرفراز چیمہ کو وزیراعلیٰ کا مشیر برائے داخلہ بنایا جائے گا۔خیال رہے کہ گزشتہ روز صوبائی وزیر داخلہ ہاشم ڈوگر کے مستعفی ہونے کے بعد پنجاب میں وزارت داخلہ کا منصب خالی تھا۔
گزشتہ روز سابق وزیرداخلہ کرنل ریٹائرڈ ہاشم ڈوگر نے ذاتی وجوہات کی بنا وزارت سے استعفیٰ دے دیا تھا اور اس حوالے سے انہوں نے ایک ٹوئٹ میں ہاتھ سے لکھا ہوا استعفیٰ بھی شیئر کیا۔
آج میں نے زاتی وجوہات کی بنا پہ اپنے عہدے سے استعفی دیا ہے۔ انشاللہ آگے بھی پی ٹی آی کے ادنی کارکن کے طور پہ کام کرتا رہوں گا pic.twitter.com/hQzZDUf5Da
— Col (R) Muhammad Hashim| Home Minister Punjab. (@ColhashimDogar) October 11, 2022
ٹوئٹ میں انہوں نے کہا تھا کہ آج میں نے چند ناگزیر اور ذاتی وجوہات کی بنا پر وزارت سے استعفیٰ دیا ہے تاہم میں آگے بھی پی ٹی آئی کے ادنیٰ کارکن کے طور پر کام کرتا رہوں گا۔