گزشتہ روز اپنے فلیٹ سے بیہوش ملنے والی سنتھیا رچی بارے اہم خبر آگئی
ذرائع پولی کلینک نے بتایا کہ سینئرڈاکٹرز کی ہدایت پرسنتھیا رچی کی ادویات میں ردوبدل کردیاگیا جبکہ انھیں اینٹی بائیوٹک انجکشنز تجویز کر دیئے ہیں ، سنتھیا رچی پر غنودگی کے اثرات بدستور برقرار ہیں، اس لیے ان کو میڈیکل آئی سی یو میں رکھا گیا ہے . ذرائع کے مطابق ٹوکسیکالوجی کیلئےسنتھیا رچی کے سیمپلز لاہور بھجوا دیئے گئے، ٹوکسیکالوجی رپورٹ آنے میں چند دن لگیں گے، ٹوکسیکالوجی کے ذریعے جسم میں زہر کی تصدیق کی جاتی ہے . گذشتہ روز امریکی نژاد سنتھیا رچی اپنے فلیٹ میں بے ہوش پائی گئی تھیں، پولیس کا کہنا تھا کہ ان کو ہمسائے نے فلیٹ میں بے ہوش پایا، اور انھیں ہسپتال پہنچایا . بعد ازاں امریکی نژاد سنتھیا رچی نے ہوش میں آ کر پولیس کو بیان میں کہا تھا کہ دو بھارتی شہری ان کے اپارٹمنٹ میں آئے تھے، انھوں نے کہا کہ میں پاکستان میں کام نہ کروں، اس کے بعد بھارتی شہریوں نے انھیں کوئی نشہ آور چیز دی . . .
