شاہد آفریدی اب کرکٹ نہیں کھیلیں گے۔۔۔کیا کرنیوالے ہیں۔۔۔؟ بڑی خبر سامنے آ گئی

کراچی (قدرت روزنامہ)قومی ٹیم کے سابق کپتان شاہد آفریدی پاکستان جونیئر لیگ کی ٹیم مردان وارئیرز کے مینٹور ہیں اور مینٹور کی حیثیت سے وہ صرف کھلاڑیوں کو لیکچر نہیں دیتے اور نہ ڈگ آؤٹ میں بیٹھے رہتے ہیں بلکہ شاہد آفریدی کا سارا فوکس اب کوچنگ پر ہے . میچ سے قبل شاہد آفریدی کھلاڑیوں کے ساتھ انفرادی طور پر کام کرتے ہیں ، وہ نوجوان بیٹرز کو سنگلز ڈبلز اور پاور ہٹنگ کے گر بتاتے ہیں جب کہ وہ روزانہ ایک الگ الگ کرکٹر کے ساتھ کام کرتے ہیں .

لالہ بیٹرز کو ہر طرح کی شاٹس کھیلنا سکھاتے ہیں اور دوسری ٹیموں کے بھی لیگ اسپنرز کو مشورے دیتے ہیں . شاہد آفریدی کا کہنا ہے کہ نوجوانوں کے ساتھ کام کر کے بہت اچھا لگ رہا ہے، یہی سطح ہے جہاں ہم سب کو کام کرنا ہے ، بہت اچھا ٹیلنٹ سامنے آرہا ہے ، میں بہت متاثر ہوا ہوں . انہوں نے کہا کہ ان نوجوان کرکٹرز کو ضائع نہیں ہونے دینا ، اس لیے انہیں وقت دیتا ہوں، مردان وارئیرز کے نوجوان فاسٹ بولرز نے بھی بہت متاثر کیا ہے .