نصیبو لعل کی اپنے بیٹے کے ہمراہ امریکا میں لائیو پرفارمنس

ہیوسٹن (قدرت روزنامہ)پاکستان کی معروف گلوکارہ نصیبو لعل نے امریکی شہر ہیوسٹن میں اپنے بیٹے مراد حسین کے ہمراہ لائیو پرفارم کیا۔ہیوسٹن میں نصیبو لعل اور ان کے بیٹے نے ملکہ ترنم نور جہاں کے مقبول گانوں پر لائیو پرفارم کرکے انہیں خراج تحسین پیش کیا ۔

ہیوسٹن (امریکہ) میں گلوکارہ نصیبو لال کئی گھنٹے تک سریلی آواز میں اپنے سُریلے بیٹے مراد حسین کے ساتھ میڈم نور جہاں کو ٹریبیوٹ پیش کرتی رہیں مگر بعض سطحی ٹھمکے میڈم نور جہاں کے حوالے سے غیر ضروری محسوس ہوے،شو کا اہتمام امریکہ کے مقبول پاکستانی آرگنائزر ریحان صدیقی نے کیا تھا pic.twitter.com/qLb619QYmp

— Khalid Farshori (@FarshoriKhalid) October 16, 2022

پاکستانی امریکی پروموٹر ریحان صدیقی کی جانب سے مقامی ہوٹل میں منعقدہ میوزیکل نائٹ میں نصیبو لعل کو سننے کے لئے پاکستانیوں کے ساتھ ہیوسٹن میں آباد بھارتی شہری بھی موجود تھے ۔

پاکستانی پروموٹر کا کہنا تھا کہ رواں سال انہوں نے پاکستانی فنکاروں کو 50 کروڑ روپے سے زائد کا بزنس دیا ہے اور آئندہ سال بھی 25 پاکستانی فنکاروں کے ساتھ امریکا اور کینیڈا میں 20 سے زائد شوز منعقد کیے جائیں گے۔
اس سے قبل بھی نصیو لعل کے بیٹے مراد حسین کی ایک ویڈیو وائرل ہوئی تھی جس میں انہوں نے اپنی والدہ کے کوک اسٹوڈیو میں گایا گانا جھوم گایا تھا، جسے بے حد پسند کیا گیا تھا۔واضح رہے کہ گلوکارہ نصیو لعل کے بیٹے مراد حسین کا رواں برس ہی ویڈیو سانگ بھی ریلیز ہوا ہے۔