صبا فیصل کا بیٹوں کے ہمراہ شاندار ڈانس؛ ویڈیو وائرل
اسلام آباد (قدرت روزنامہ)پاکستان کی مشہور اداکارہ صبا فیصل کی بیٹوں کے ہمراہ شاندار ڈانس ویڈیو سوشل میڈیا پر وائرل ہو گئی ہے۔حال ہی میں صبا فیصل نے اپنے بیٹوں کے ساتھ ایک خوبصورت ویڈیو پوسٹ کی ہے،جس میں صبا اور ان کے بیٹے سلمان اور ارسلان شادی میں ڈانس کر رہے ہیں۔
انہوں نے اس ویڈیو کو شئیر کرواتے ہوئے کیپشن رکھا کہ مائی لائف لائنز۔
View this post on Instagram
وائرل ویڈیو کو اداکارہ کے مداحوں کی جانب سے بہت پسند کیا جارہا ہے اور مختلف تبصروں کا سلسلہ بھی جاری ہے۔ اس سے قبل صبا فیصل نے نجی ٹی وی چینل کے پروگرام میں شرکت کی تھی جس میں ان سے میزبان نے سوال کیا کہ بیٹے کی شادی جلدی کیوں کروا دی؟ جس کے جواب میں انہوں نے کہا کہ وہ چاہتا تھا کہ ہو جائے جلدی۔
دوران گفتگو میزبان نے سوال کیا کہ کیسی رہی بہو؟ جس کے جواب میں انہوں نے کہا کہ جب میاں بیوی راضی تو کیا کرے گا قاضی۔
صبا فیصل کو میزبان نے مخاطب کرتے ہوئے کہا کہ آسان کام نہیں ہے ساس بننا یا پھر ایک نئے گھر کے فرد کے سامنے اچھا انسان بننا۔ جس پر صبا فیصل نے کہا کہ دیکھیں ہر کسی کی اپنی ایک نیچر ہے، اس کے ساتھ وہ پیدا ہوا ہے اور اس کے ساتھ اس کی تربیت ہوئی ہے، اس کو چینج کرنا اس لڑکی کے لیے بھی مشکل ہے جو بہو بن کر گھر آتی ہے۔
دوران گفتگو صبا فیصل نے کہا کہ ضروری نہیں کے دو، تین یا پانچ دماغ ملیں تو ایک جیسے ہوں۔ صبا فیصل نے کہا کہ میرے کچھ اصول ہیں، ہو سکتا ہے کہ وہ میرے لیے غلط نہ ہوں لیکن وہ کسی دوسرے کے لیے یا یہ کہہ لیں کہ آج کل کی نسل کے لیے غلط ہوں اور ایسے اختلافات تو بہو سے کیا اپنے بچوں سے بھی ہو جاتے ہیں۔