تمہاری خواہش ہے کہ خونریزی ہو؟ شرجیل میمن کا عمران خان سے سوال
کراچی (قدرت روزنامہ)صوبائی وزیر برائے اطلاعات شرجیل میمن نے چیئر مین پی ٹی آئی عمران خان کے حالیہ بیان پر ردِ عمل کا اظہار کیا ہے۔پاکستان پیپلز پارٹی کے رہنما شرجیل میمن نے عمران خان کے بیان کو ری ٹوئٹ کرتے ہوئے کہا ہے کہ تمہاری خواہش ہے کہ خونریزی ہو؟ اقتدار کی ہوس میں تم ہر حد پار کرنے کے لیے تیار ہو۔
تمہاری خواہش ہے کے خونریزی ہو؟ اقتدار کی حوس میں تم ہر حد پار کرنے لئے تیار ہو۔تم ڈکٹیٹر کی نرسری کے ٹیسٹ ٹیوب بیبی رہے ہو۔اب اسی نرسری پر تنقید کرکے ہیرو بننے کی ناکام کوشش کر رہے ہو۔ تم وہ ڈاکو ہو جس نے توشاخانا،فارن فنڈنگ منی لانڈرنگ، اور گوگی کے زریعے اربوں روپے کے ڈاکے مارے۔ https://t.co/bMOH2Au9B4
— Sharjeel Inam Memon (@sharjeelinam) October 31, 2022
شرجیل نے اپنے ٹوئٹ میں عمران خان کے لیے مزید لکھا ہے کہ تم وہ ڈاکو ہو جس نے اربوں روپے کے ڈاکے مارے۔واضح رہے کہ اس سے قبل چیئرمین تحریک انصاف عمران خان نے کہا تھا کہ 6 ماہ سے ملک میں انقلاب برپا ہوتے دیکھ رہا ہوں۔
سابق وزیرِ اعظم عمران خان نے سوشل میڈیا پر جاری کردہ اپنے بیان میں کہا تھا کہ جی ٹی روڈ پر ہمارے مارچ کے ساتھ لوگوں کا سمندر ہے۔عمران خان نے کہا کہ سوال صرف یہ ہے کہ کیا یہ انقلاب بیلٹ باکس کےذریعے نرم ہوگا یا خونریزی کے ذریعے تباہ کن؟
