اتوار تک لانگ مارچ اسلام آباد پہنچنا ممکن نہیں لگ رہا، فواد چوہدری

اسلام آباد (قدرت روزنامہ)پاکستان تحریک انصاف کے رہنما فواد چوہدری نے کہا ہے کہ اتوار تک لانگ مارچ اسلام آباد پہنچنا ممکن نہیں لگ رہا۔سابق وفاقی وزیر فواد چوہدری نے اسلام آباد میں میڈیا سے گفتگو کرتے ہوئے کہا کہ الیکشن کمشنر نے ایک ہفتے قبل کہا کہ عمران خان نااہل ہوگا، کوئی بھی ادارہ ہو حتمی فیصلہ عوام کا ہوگا۔
‘لانگ مارچ میں اگر لوگ کم ہیں تو حکومت گھبرائی ہوئی کیوں ہے؟’
نوازشریف کو اپنے بھائی پر یقین نہیں کہ وہ ملک واپس آئیں، آپ نے فیصل مسجد میں سیکیورٹی فورسز کو ٹھہرایا ہوا ہے، آپ نے اتنی بڑی سیکیورٹی کےانتظامات کیوں کیے ہیں۔
‘لانگ مارچ کو حادثے سے بچا کر منزل پر پہنچنا ضروری ہے’
انہوں نے کہا کہ اسلام آباد کی سیکیورٹی کے لیے 41کروڑ کی گرانٹ منظور کی گئی، لانگ مارچ میں اگر لوگ کم ہیں تو حکومت گھبرائی ہوئی کیوں ہے؟ شہبازشریف کے اپنے بچے اس پر اعتبار کرنےکو تیار نہیں۔فواد چوہدری نے کہا کہ لانگ مارچ کو حادثے سے بچا کر منزل پر پہنچنا ضروری ہے، روزانہ 10 سے 12کلومیٹر سے زیادہ کا فاصلہ طے نہیں کیا جارہا، لانگ مارچ کیساتھ ہزاروں لوگ پیدل چل رہے ہیں۔
‘ہم لانگ مارچ کو تیز نہیں کرسکتے’
سابق وفاقی وزیر نے کہا کہ نوازشریف نے ٹوئٹ کیا کہ مارچ میں 2،3 ہزار سے زیادہ لوگ نہیں، اگر لانگ مارچ تیز کیا تو کوئی بھی حادثہ ہو سکتا ہے، اگر سیالکوٹ جائیں گے تو اسلام آباد پہنچنے میں 15دن لگیں گے، ہم لانگ مارچ کو تیز نہیں کرسکتے۔
انکا کہنا ہے کہ ہمارا منصوبہ تھا کہ اتوار تک اسلام آباد پہنچ جائیں گے، اتوار تک اسلام آباد پہنچنا ممکن نہیں لگ رہا، سیالکوٹ جانے کا منصوبہ بھی منسوخ کردیا ہے، جمعہ کو لالہ موسیٰ پہنچیں گے۔
‘کل مارچ پنڈی بائی پاس سے شروع ہوگا’
پی ٹی آئی رہنما نے کہا کہ 3 نومبر کو وزیرآباد پھر جی ٹی ایس چوک گجرات پہنچیں گے، گجرات میں پرویزالہٰی کے پاس قیام کریں گے۔فواد چوہدری نے مزید کہا کہ کل مارچ پنڈی بائی پاس سے شروع ہوگا اورگھکڑ جائیگا، لانگ مارچ آج رات گوجرانوالہ میں قیام کریگا، لانگ مارچ کا سارا دن گوجرانوالہ میں گزرے گا۔