سندھ، حیدرآباد کے شہری بھی پیپلز بس سروس کا فائدہ اٹھائیں گے،شرجیل انعام میمن
کراچی (قدرت روزنامہ)صوبائی وزیر برائے اطلاعات شرجیل انعام میمن نے کہا ہے کہ کراچی اور لاڑکانہ کے بعد اب حیدرآباد کے شہری بھی پیپلز بس سروس کے ذریعے سفر کر سکیں گے . شرجیل انعام میمن نے حیدرآباد میں پیپلز بس سروس کے آغاز سے متعلق ٹوئٹ اور ویڈیو شیئر کی ہے .
After Karachi & Larkana, now the people of #Hyderabad will be able to commute through #PeoplesBusService. As promised we are expanding it across the province so that every citizen can enjoy with the best travel facility. Inshallah bus service will be start in this month. pic.twitter.com/7vUcyeYs6v
— Sharjeel Inam Memon (@sharjeelinam) November 4, 2022
شرجیل انعام میمن نے اپنے ٹوئٹ میں لکھا ہے کہ وعدے کے مطابق پیپلز بس سروس کو پورے صوبے میں وسعت دی جا رہی ہے تا کہ ہر شہری بہترین سفری سہولت سے فائدہ اٹھا سکے . شرجیل انعام میمن نے کہا ہے کہ انشاء اللّٰہ اس ماہ میں حیدرآباد میں پیپلز بس سروس کا باقاعدہ آغاز ہو جائے گا .
انہوں نے مزید بتایا کہ حیدرآباد میں پہلے روٹ کے لیے حیدر چوک سے ہٹڑی پولیس اسٹیشن روٹ کا انتخاب کیا گیا ہے جبکہ اس روٹ پر 15 بس اسٹاپ بنائے جائیں گے . شرجیل انعام میمن کےٹوئٹ کے مطابق پیپلز بس سروس حیدر چوک سے گل سینٹر، تھنڈی سڑک، ایگریکلچر کمپلیکس، وحدت کالونی، سندھ میوزیم، قاسم چوک، جیل روڈ، اسرا اسپتال سے ہٹڑی پولیس اسٹیشن تک چلائی جا رہی ہے .
