ٹی20 ورلڈ کپ کے سیمی فائنل میں پاکستان کی رسائی، صدر اور وزیراعظم کی مبارکباد

اسلام آباد(قدرت روزنامہ) پاکستان کرکٹ ٹیم کے ٹی20 ورلڈ کپ کے سیمی فائنل کے لیے کوالیفائی کرنے پر وزیراعظم شہباز شریف اور صدر مملکت ڈاکٹر عارف علوی نے مبارک باد دی ہے . سماجی رابطے کی سائٹ ٹویٹر پر وزیراعظم شہباز شریف نے مسکراتے ہوئے لکھا کہ ’’پاکستان اور نیدرلینڈز نے بہت اچھا کھیلا، دونوں ٹیموں کو مبارکباد پیش کرتا ہوں‘‘ .

Big moment. Congratulations to all of you. Well played, Pakistan 🇵🇰 … and Netherlands :)

— Shehbaz Sharif (@CMShehbaz) November 6, 2022

وزیراعظم نے مزید کہا کہ مجھے دل سے یقین ہے کہ صرف کرکٹ میں ہی نہیں بلکہ ہم ان شاء اللہ بہت جلد تمام شعبوں میں واپس آئیں گے .
صدر مملکت ڈاکٹر عارف علوی نے بھی قومی ٹیم کو مبارکباد ہوئے لکھا کہ بہت اعلیٰ! غیرمعمولی باصلاحیت، خوش قسمت پاکستانی، اللہ کا شکر ہم سیمی فائنل میں پہنچ گئے .

Well done! Exceptionally talented and lucky Pakistanis 😀 Allah Shukar we make it to the semi-finals 🙏Great bowling by @iShaheenAfridi, you are a gem. God knows we needed this good news to uplift us. Good luck to the green shirts for the semi-finals. Inshallah we will win.

— Dr. Arif Alvi (@ArifAlvi) November 6, 2022

ڈاکٹر عارف علوی نے لکھا کہ شاہین شاہ آفریدی کی زبردست باؤلنگ، آپ پاکستان کا اثاثہ ہیں . اللہ جانتا ہے کہ ہمیں بےچینی کے حالات میں اس خوشخبری کی اشد ضرورت تھی . گرین شرٹس کو سیمی فائنل کے لیے نیک خواہشات . انشاءاللہ ہم جیتیں گے .
واضح رہے کہ پاکستان نے بنگلا دیش کو پانچ وکٹوں سے شکست دے کر سیمی فائنل کے لیے کوالیفائی کر لیا ہے .