کراچی میں ٹماٹر کے بعد پیاز کی ڈبل سنچری

کراچی (قدرت روزنامہ)کراچی میں ٹماٹر کے بعد پیاز نے بھی ڈبل سنچری کر لی، پیاز 200 روپے فی کلو فروخت ہونے لگی . سبزی منڈی میں فی کلو پیاز 150 روپے کے حساب سے 1 من پیاز کی قیمت 6 ہزار روپے ہے .

سبزی منڈی کے ذرائع کے مطابق سیلاب کی وجہ سے پیاز کی فصل خراب ہوئی تھی، جس سے بازار میں پیاز کی قلت پیدا ہو گئی ہے . ضرورت کی پیاز ایران سے درآمد کی گئی ہے، جبکہ سندھ کی پیاز کی نئی فصل بھی آنا شروع ہو گئی ہے .