پی ڈی ایم کٹی ہوئی پتنگ ہے، عدلیہ جانتی ہے کہ ان سے ملک نہیں چل رہا، شیخ رشید
لاہور (قدرت روزنامہ)سابق وزیر داخلہ شیخ رشید نے کہا کہ پی ڈی ایم کٹی ہوئی پتنگ ہے اور عدلیہ بخوبی جانتی ہے کہ ان سےملک نہیں چل رہا ہے۔سماجی رابطے کی ویب سائٹ پر اپنے ایک پیغام میں شیخ رشید نے کہا کہ بے اختیار اور فارغ وزراعظم ایمرجنسی میں4 دِن سے لندن بیٹھا ہوا ہے جہاں اہم تعیناتیوں کے حوالے سے استخارہ نکالا جارہا ہے۔
حمودارحمان کمیشن کی رپورٹ مل سکتی ہےارشدشریف کی پوسٹ مارٹم رپورٹ نہیں عدلیہ بخوبی جانتی ہےکہ ان سےملک نہیں چل رہاعمران خان معجزانہ طور پہ بچ گئےلیکن خطرہ ٹلا نہیں معشیت تباہ زرمبادلہ کےذخائرکم نہ گیس نہ پٹرول تو سرمایہ کاری خاک ہوگی اب مولانا فضل الرحمن کومذہبی کارڈکےلیےآگےکیاہے
— Sheikh Rashid Ahmed (@ShkhRasheed) November 11, 2022
انہوں نے کہا کہ مفرورنواز شریف پاسپورٹ ملنے اور بھائی کے وزراعظم بننے کے باوجود بھی کلین چٹ کا منتظر ہے ۔انہوں نے مزید کہا کہ حمودارحمان کمیشن کی رپورٹ مل سکتی ہے لیکن ارشد شریف کی پوسٹ مارٹم رپورٹ نہیں مل سکتی ہے۔
شیخ رشید نے کہا کہ سرمایہ کاری کیا خاک ہوگی کہ جب ملک میں معیشت تباہ ہوچکی ہے، زرمبادلہ کے ذخائرکم ہوتے جارہے ہیں اور نہ گیس ہے نہ پٹرول ہے لیکن اب مولانا فضل الرحمٰن کو مذہبی کارڈ کے لیے آگے کیا ہے۔
بے اختیار اور فارغ وزراعظم ایمرجنسی میں4 دِن سے لندن بیٹھا ہے ارمی چیف کی تعیناتی پر لندن میں استخارہ نکلوایا جا رہا ہے بزدل اور مفرورنواز شریف پاسپورٹ ملنے اور بھائی کے وزراعظم بننے کے باوجود بھی کلین چٹ کا منتظر ہے پی ڈی ایم کٹی ہوئی پتنگ ہے 20 دن ٹی وی نہیں ٹویٹر پرنظر آؤں گا
— Sheikh Rashid Ahmed (@ShkhRasheed) November 11, 2022
ان کا کہنا تھا کہ عدلیہ بخوبی جانتی ہے کہ ان سے ملک نہیں چل رہا ہے۔انہوں نے بتایا ہے کہ آئندہ 20 دن ٹی وی نہیں ٹویٹر پر ہی نظر آؤں گا۔
