پورے پاکستان نے ’لانگ مارچ‘ کی کامیابی کافیصلہ کرلیاہے، اسد عمر

گوجرہ (قدرت روزنامہ)سینئیر پی ٹی آئی رہنما اسد عمر کا کہنا ہے کہ پورے پاکستان نے لانگ مارچ کی کامیابی کا فیصلہ کر لیا ہے۔تحریک انصاف کے مرکزی جنرل سیکریٹری اسد عمر نے گوجرہ آمد پر خطاب کرتے ہوئے کہاکہ اسلام آباد والے عوام سے کٹے ہوئے ہیں ، اسلام آباد میں بیٹھے لوگ جان لیں پاکستان آ رہا ہے۔
انہوں نے کہاکہ عمران خان پر حملے کے مقدمے کے لئے عدالت سے رجوع کر لیا ہے ، عمران خان پر حملے کی اصل ایف آئی آر ضرور درج ہو گی، دھمکیاں دیتے دیتے رانا ثناء اللہ کی مونچھیں بہت چھوٹی ہو گئی ہیں ، رانا ثناء اللہ کا وقت ختم ہو گیا ہے ۔

مرکزی سیکریٹری جنرل پاکستان تحریک انصاف اسد عمر کا قافلہ اسامہ حمزہ، اسد زمان چیمہ اور چوہدری احسن احسان کی قیادت میں تحصیل گوجرہ کی حدود میں داخل ہو گیا۔ مختلف مقامات سے ہوتے ٹوبہ ٹیک سنگھ روانہ ہو گا۔ #آرہا_ہے_پاکستان pic.twitter.com/VFOcpbnem4

— PTI (@PTIofficial) November 11, 2022

اسد عمر نے کہاکہ اعظم سواتی کو زیادتی پر انصاف ملنا چاہئے، چیف جسٹس جوڈیشری کی تقرری کرنے والی سینٹ کمیٹی کے چیئرمین کو انصاف نہیں دے سکے ، چیف جسٹس کسی اور کو کیا انصاف دیں گے ۔
رہنما پی ٹی آئی نے کہاکہ اگلے ہفتے خان صاحب راولپنڈی میں ہوں گے ، جو لوگ ہمیں کہہ رہے ہیں قانون کے دائرے میں رہیں وہ کیوں بولتے ہیں۔واضح رہےکہ اسد عمر پی ٹی آئی کے لانگ مارچ پلان بی کی قیادت کریں گے۔