کے الیکٹرک صارفین کیلئے بڑی خوشخبری

اسلام آباد (قدرت روزنامہ)نیپرا نے کے الیکٹرک صارفین کو بڑی خوشخبری سنادی۔تفصیلات کے مطابق نیشنل الیکٹرک پاور ریگولیٹری اتھارٹی(نیپرا) نے کے الیکٹرک کے ماہانہ فیول چارجز ایڈجسٹمنٹ برائے ستمبر 2022 کی مد میں 5 روپے 13 پیسے فی یونٹ کمی کی منظوری دے دی۔
نیپرا نے ماہانہ فیول چارجز ایڈجسٹمنٹ کی مد میں 5 روپے 13 پیسے فی یونٹ کمی کی منظوری کا نوٹیفکیشن جاری کردیا۔کے الیکٹرک نے 4 روپے 62 پیسے فی یونٹ کمی کی درخواست کی تھی۔ نیپرا نے 25 اکتوبر 2022 کو ایف سی اے پر عوامی سماعت کی تھی۔
اس سے قبل اگست کا ایف سی اے صارفین سے 4 روپے 89 پیسے فی یونٹ کمی کے ساتھ چارج کیا گیا ۔ستمبر کا ایف سی اے اگست کی نسبت صارفین سے 24 پیسے کم چارج کیا جائے گا۔نیپرا کے نوٹیفکیشن میں کہا گیا ہے کہ اس کا اطلاق صرف ایک ماہ کے لیے ہوگا۔
لائف لائن صارفین،300 یونٹس تک گھریلوصارفین ،زرعی صارفین اور الیکٹرک وہیکل چار جنگ ا سٹیشنز پر اس کا اطلاق نہیں ہوگا۔