کراچی (قدرت روزنامہ)بلال لاشاری کی دی لیجنڈ آف مولا جٹ 13 اکتوبر کو دنیا بھر میں سینما گھروں کی زینت بنی اور تب سے یہ فلم باکس آفس پر دھوم مچا رہی ہے۔حال ہی میں فلم دی لیجنڈ آف مولا جٹ کے آفیشل انسٹاگرام اکاؤنٹ کی جانب سے اعلان کیا گیا ہے کہ فلم نے پاکستانی سینما کے لیے ایک نیا سنگ میل عبور کرتے ہوئےدنیا بھر میں باکس آفس پر 8.95 ملین ڈالر کما کر پچھلے تمام ریکارڈز توڑ ڈالے ہیں۔
پوسٹ کے مطابق دی لیجنڈ آف مولا جٹ نے قومی باکس آفس پر 3.58 ملین ڈالر اور بین الاقوامی سطح پر 5.37 ملین ڈالر کمائے۔ اس نئے ٹوٹل کے ساتھ عمارہ حکمت اور اسد خان کی پروڈیوس کردہ فلم 8.95 ملین ڈالر کمانے والی پہلی پاکستانی فلم بن گئی ہے۔
یہ فلم اپنے باکس آفس پر ملکی اور بین الاقوامی سطح پر دوڑ جاری رکھے ہوئے ہے لیکن فلم کے بزنس کو دیکھتے ہوئے یہ ممکنہ طور پر چند دنوں میں ان کی حالیہ کامیابی کو پیچھے چھوڑ دے گی۔ آفیشل اکاؤنٹ کی جانب سے یہ بھی کہا گیا ہے کہ دی لیجنڈ آف مولا جٹ کا ایک غیر کٹا ورژن 2 دسمبر کو برطانیہ میں سینما گھروں کی زینت بنے گا۔
اس فلم میں ملک کے سب سے زیادہ مہنگے اداکاروں کو کاسٹ کیا گیا جن میں حمزہ علی عباسی، فواد خان، ماہرہ خان، حمائمہ ملک اور گوہر رشید شامل ہیں۔اسی وجہ سے فلم’دی لیجنڈ آف مولا جٹ‘ کو پاکستان کی اب تک کی سب سے مہنگی فلم کہا جارہا ہے۔
اس فلم کے ڈائیلاگز ناصر ادیب نے لکھے ہیں جبکہ اسکرین پلے بلال لاشاری نے لکھا ہے۔یہ فلم 1979ء میں ریلیز ہونے والی کلاسک پاکستانی فلم ’مولا جٹ‘ کا ریمیک ہے۔یاد رہے کہ پروڈکشن ٹیم نے اس فلم کو 2019ء میں ریلیز کرنے کا منصوبہ بنایا تھا لیکن یہ 13 اکتوبر 2022ء کو سینما گھروں کی زینت بنی۔
مستونگ(قدرت روزنامہ) کوئٹہ کراچی قومی شاہراہ پر تحصیل کھڈکوچہ گرو میں دو گاڑیوں میںخطرناک تصادم‘حادثہ…
لندن (قدرت روزنامہ) تحریک انصاف کے بانی و سابق وزیراعظم عمران خان کی سابقہ اہلیہ،…
کراچی(قدرت روزنامہ)حکومت سندھ نے صوبے میں پولیس کو مضبوط اور متحرک کرنے کے لیے کروڑوں…
اسلام آباد(قدرت روزنامہ)وزیراعلیٰ گلگت بلتستان نے شاہراہ قراقرم پر موٹروے پولیس تعینات کرنے کا مطالبہ…
اسلام آباد(قدرت روزنامہ)اینٹی ٹرسٹ واچ ڈاگ نے ہفتے کے روز پی آئی اے ہولڈنگ کمپنی…
اسلام آباد(قدرت روزنامہ)چند دنوں میں پاکستان اور چین کے درمیان اعلیٰ سطح کے رابطے متوقع…