آج چھڑی بدلی، 30 جنوری تک الیکشن کی گھڑی بھی بدلے گی، شیخ رشید
لاہور (قدرت روزنامہ)عوامی مسلم لیگ کے سربراہ شیخ رشید نے کہا ہے کہ آج چھڑی بدلی، 30 جنوری تک الیکشن کی گھڑی بھی بدلے گی۔شیخ رشید نے سوشل میڈیا پر بیان جاری کرتے ہوئے کہا کہ اس حکومت میں آنے اور اسے لانے والے دونوں پشیمان ہیں، گوٹی پھنس گئی ہے۔
سابق وزیر داخلہ نے کہا کہ 4 ماہ سے پنجاب اسمبلی کا اجلاس جاری ہے، عدم اعتماد اور گورنر راج ممکن نہیں۔شیخ ریشد نے کہا کہ اسمبلیاں تحلیل ہوگئیں تو ایک سال میں 2 الیکشن کے نہ پیسے ہیں نہ منصوبہ بندی۔انہوں نے کہا کہ عمران خان نے تنہا 13 پارٹیوں کی سیاست دفن کردی، فضل الرحمان کے بیان نے ان کو رسوا کردیا۔
عمران خان نےتنہا13پارٹیوں کی سیاست دفن کردی اسمبلیاں تحلیل ہوگئیں تو1سال میں2الیکشن کےنہ پیسے ہیں نہ منصوبہبندی گوٹی پھنس گئی ہے77وزراءخزانے پہ بوجھ ہیں8مہینےسےفاقہ کشی مہنگائ اورابIMFکاجواب ہےجو لندن دوائی لینے گئےتھےوہ نیوائیر کی چھٹیاں منارہےہیں الٹی گنتی شروع جی کاجاناٹھہرگیا
— Sheikh Rashid Ahmed (@ShkhRasheed) November 29, 2022
شیخ رشید نے مزید کہا کہ معیشت ہی قومی سلامتی ہے، جس پر کوئی خاموش تماشائی نہیں رہ سکتا۔ان کا کہنا تھا کہ 77 وزراء خزانے پر بوجھ ہیں، 8 مہینے سے فاقہ کشی اور مہنگائی اور اب آئی ایم ایف کا جواب ہے۔
شیخ رشید نے کہا کہ جو لندن دوائی لینے گئے تھے وہ اب نیو ایئر کی چھٹیاں منا رہے ہیں، الٹی گنتی شروع ہوگئی ہے، جی کا جانا ٹھہر گیا۔
