یوکرینی نائب وزیر خارجہ کا ہائی جیک طیارہ ایران لے جانے کا دعویٰ، ایران بھی میدان میں آ گیا ،واضح اعلان کر دیا

تہران(قدرت روزنامہ)یوکرینی نائب وزیر خارجہ نے دعویٰ کیاہے کہ ان کے طیارے کو کابل ایئر پورٹ سے ہائی جیک کرنے کے بعد مبینہ طور پر ایران لے جایا گیاہے جس پر ایران کی سول ایوی ایشن کا بیان سامنے آ گیاہے جس میں دعویٰ کی سختی سے تردید کی گئی ہے . تفصیلات کے مطابق یوکرینی وزیر خارجہ کی جانب سے کچھ دیر قبل دعویٰ کیا گیا ہے کہ افغانستان میں یوکرینی باشندوں کے انخلاءکیلئے جانے والے طیاری کو نامعلوم افراد کی جانب سے ہائی جیک کیا گیا اور پھر یہ طیارہ نامعلوم مسافروں کے ساتھ مبینہ طور پر ایران کی طرف گیا ہے .

ایرانی سول ایوی ایشن کے ترجمان محمد حسن زیبخش نے یوکرینی نائب وزیر خارجہ کے بیان کی تردید کرتے ہوئے بیان جاری کیا ہے جس میں ان کا کہناتھا کہ” کل رات یوکرینی طیارہ ایرانی شہر مشہد مقدس میں ایندھن بھرنے کی غرض سے اترا اور ایندھن بھرنے کے بعد فوری طور پر کیف کیلئے روانہ ہوگیا . یاد رہے کہ طالبان نے افغانستان کا کنٹرول سنبھا لیا ہے جس کے بعد امریکہ اور برطانیہ سمیت متعدد ممالک اپنے باشندوں اور سفارتی عملے کو نکالنے کیلئے فضائی آپریشن جاری رکھے ہوئے ہیں . . .