عمران خان نے سندھ کے یومِ ثقافت پر کیا کہا؟
لاہور (قدرت روزنامہ)پاکستان تحریکِ انصاف (پی ٹی آئی) کے چیئرمین عمران خان نے سندھ کے یومِ ثقافت پر مبارک باد دیتے ہوئے کہا ہے کہ آج ہم سندھ کی شاندار ثقافت اور روایات کا جشن منا رہے ہیں۔سماجی رابطے کی ویب سائٹ ٹوئٹر پر سندھ کے یومِ ثقافت کے موقع پر جاری کیے گئے بیان میں عمران خان نے کہا ہے کہ سندھ صوفیائے کرام کی سر زمین ہے، افسوس کہ یہ سر زمین زرداری مافیا کے ظلم و ستم کا شکار ہے۔
انہوں نے کہا کہ سندھ اپنی عظمت اور آزادی کے لیے دوبارہ ظالم کے خلاف اٹھے گا۔
Today we celebrate the rich culture & traditions of Sindh going back to the great Indus Valley Civilization. It’s the land of the Sufis & freedom, but sadly, suffering under the tyranny of Zardari mafia. Sindh will rise again against the tyrant to reclaim its greatness & freedom.
— Imran Khan (@ImranKhanPTI) December 4, 2022
واضح رہے کہ کراچی اور حیدر آباد سمیت سندھ بھر میں آج سندھ کی ثقافت کو اجاگر کرنے کا دن انتہائی جوش و جذبے سے منایا جا رہا ہے۔سندھ کے مختلف شہروں میں یومِ ثقافت کے حوالے سے مختلف پروگرام منعقد کیے جا رہے اور ریلیاں نکالی جا رہی ہیں۔
سندھ کے یوم ثقافت پر وزیرِ اعظم شہباز شریف، وزیرِ خارجہ بلاول بھٹو، سینیٹر شیری رحمٰن سمیت مختلف شخصیات نے اہلِ سندھ کو مبارک باد پیش کی ہے۔
