عمران ریاض خان کا ویزا منسوخ ہونے کے بعد مونس الٰہی اور صحافی کے درمیان ٹوئٹر پر تکرار

اسلام آباد (قدرت روزنامہ) مونس الہی نے اپنے ٹوئٹ میں کہا کہ سنا ہے کسی کا ویزہ جرائم پیشہ افراد سے مضبوط روابط ہونے کی وجہ سے منسوخ ہوا اور انہیں ائیرپورٹ سے واپس آنا پڑا۔ انہوں نے اس موقع پر عمران ریاض کا نام نہیں لیا، عمران ریاض نے جواب میں لکھا کہ نام لو نا مونس الٰہی صاحب میرا ویزا کینسل ہوا ہے اور ہاں جن کی وجہ سے ہواہے ان کا نام لینے کی بھی جرات پیدا کرو۔ مونس الٰہی نے جواب میں کہا کہ عمران صاحب اس کا مطلب یہ نہیں کہ آپ ہیں، اس اندازے کو مونس الہی نے ہوا میں اڑتا ہوا تیر قرار دیا۔ جس پر عمران ریاض نے کہا کہ میں یہ بھی جانتا ہوں جناب کو کس نے بتایا ہے، اڑتا تیر تو آپ نے پسند فرمایا ہے، اب دیکھتے جائیے ڈپٹی وزیراعلیٰ صاحب!