ڈالر کی اونچی اڑان قیمت میں ہوشربا اضافہ ہو گیا

لاہور(قدرت روزنامہ)انٹر بینک مارکیٹ میں کاروبا رکے دوران آج ڈالر کی قیمت میں مسلسل اضافہ دیکھنے میں آ رہاہے اور اب تک ڈالر 90 پیسے مہنگا ہونے کے بعد 166.10 روپے پر پہنچ گیاہے ۔ دوسری جانب سٹاک مارکیٹ میں آج کاروبار میں مندی دیکھنے میں آ رہی ہے ، کاروبار شروع ہو ا تو انڈیکس 47 ہزار 828 کی سطح پر تھا تاہم کچھ دیر کے بعد اس میں بہتری دیکھنے میں آئی اور انڈیکس 47 ہزار 916 پوائنٹس تک پہنچ گیا تاہم یہ تیزی یونہی برقرار نہ رہ سکی اور انڈیکس نے واپسی کا سفر شروع

کر دیا ۔ اب تک 100 انڈیکس میں 40 پوائنٹس کی کمی ریکارڈ کی گئی ہے جس کے بعد مارکیٹ 47 ہزار 788 پوائنٹس پر آ گئی ہے ۔دوسری جانب آل پاکستان سی این جی ایسوسی ایشن کے سینئر مرکزی رہنما غیا ث عبد اللہ پراچہ نے کہا ہے کہ پی ایل ایل اور پی ایس او اسپاٹ ریٹ سے تقریباً 20 فیصد زیادہ مہنگی ایل این جی خریدنے جا رہے ہیں،اگر حکومت نے اس کی منظوری دیدی تو خدشہ ہے کہ ایل این جی پٹرول سے تقریباً 25 فیصد تک مہنگی ہو جائے گی۔اپنے بیان میں انہوںنے کہا کہ تاریخ کی مہنگی ترین خریداری کی وجہ صرف اور صرف پی ایل ایل اور پی ایس او کی غلط مینجمنٹ اور بد انتظامی ہے،سی این جی سیکٹر پٹرول سے زیادہ مہنگی گیس نہیں بیچ سکتا،سی این جی سیکٹر کے علاوہ باقی تمام سیکٹرز سبسڈائزڈ ریٹ پر گیس لے رہے ہیں۔انہوں نے کہا کہ سی این جی غریب عوام کا فیول ہے،مطالبہ ہے کہ سی این جی سیکٹر کو مکمل بند ہونے سے بچایا جائے۔انہوںنے کہا کہ اداروں کی غلط منصوبہ بندی کی وجہ سے 450 ارب کی سرمایہ کاری ڈوبنے کا خطرہ ہے،حکومت اس صورتحال کا سنجیدگی سے نوٹس لے۔