ایڈمنسٹریٹر کے بعد میونسپل کمشنر کے ایم سی بھی تبدیل

کراچی (اسٹاف رپوٹر) کے ایم سی کے ایڈ منسٹریٹر کے بعد دوسری اہم پوسٹ میونسپل کمشنر کو بھی تبدیل کر دیا گیا.گریڈ . 19 کے ایکس پی سی ایس افسر سید شجاعت حسین نے اتوار کو اپنے عہدے کا چارج سنبھال لیا .

اس سے قبل وہ کے ڈی اے میں ممبر فنانس کی حیثیت سے اپنے فرائض انجام دے رہے تھے، سابق میونسپل کمشنر سید افضل زیدی جو سینئر مینجمنٹ کورس کے سلسلے میں ٹریننگ پر ہیں ان کی جگہ سید شجاعت حسین کو تعینات کیا گیا ہے،
نئے تعینات ہونے والے میونسپل کمشنر سید شجاعت حسین مختلف سرکاری عہدوں پر کام کرچکے ہیں، کراچی کے تین اضلاع وسطی، غربی اور ملیر میں ایڈیشنل ڈپٹی کمشنر کی حیثیت سے اپنے فرائض انجام دے چکے ہیں، ضلع ملیر میں مختصر مدت کے لئے ڈپٹی کمشنر بھی رہے، ایمرجنسی رسپورنس یونٹ کے کوآرڈینیٹر کے علاوہ ڈائریکٹر آپریشن کے ڈی اے سمیت مختلف عہدوں پر انہوں نے کام کیا ہے .